Li Ning

Li Ning (* 8 September 1963, Liuzhou) is 'n voormalige Chinese gimnas. Tydens die Olimpiese Somerspele van 1984 in Los Angeles wen hy drie goue medaljes (vir vloeroefeninge, bok en ringe), asook twee silwer en een brons medalje.

Li Ning "sweef" die Beijing Nasionale Stadion met die fakkel in sy hand binne.

Na die Spele van 1988, waartydens hy geen medaljes kon inpalm nie, beëindig Li sy sportloopbaan. In 1990 begin hy 'n besigheid wat sportklere en -skoene vervaardig.

In 2000 word Li die eerste Chinese gimnas wat in die "Internasionale Gimnastiekheldesaal" vereer word.

By die Olimpiese Somerspele van 2008 in Beijing was Li Ning die laaste fakkeldraer en steek hy die Olimpiese vlam in die Beijing Nasionale Stadion aan die brand.