Liao
(Aangestuur vanaf Liaorivier)
Die Liao (Vereenvoudigde Chinees: 淮辽河; Tradisionele Chinees: 遼河; pinyin: Liáo Hé) is 'n rivier in die noordooste van die Volksrepubliek China (Mantsjoerye). Dié rivier ontstaan deur die saamvloei van die Xiliao He (西遼河 / 西辽河, Xīliáo Hé, "Westelike Liaorivier") en die Dongliao He (東遼河 / 东辽河, Dōngliáo Hé, "Oostelike Liaorivier") by Guyushu in die outonome gewes Binne-Mongolië. Aansluitend vloei die Liao in 'n suidelike en later in 'n suidwestelike rigting deur die provinsie Liaoning, wat ná dié rivier genoem is, wes van Shenyang en Anshan. Die Liao mond in 'n wye delta in die Geelsee uit.[1] Die Liao-dinastie is na dié rivier genoem.
| Liao | |
|---|---|
 | |
 Die stroomgebied van die Liao | |
| Oorsprong | Saamvloei van Xiliao He en Dongliao He by Guyushu, Binne-Mongolië, Volksrepubliek China |
| Monding | by Yingkou, China Golf van Bohai, Geelsee |
| Stroomgebied | Volksrepubliek China |
| Lengte | 1 390 km (860 myl) |
| Mondinghoogte | 0 m (0 voet) |
| Stroomgebiedopp. | 215 000 km² (83 000 myl²) |
Verwysings
wysig- ↑ "Liao River" (in Engels). Encyclopædia Britannica. 31 Augustus 2017. Geargiveer vanaf die oorspronklike op 8 Julie 2019.
