Binne-Mongolië (Mongools: Oburmonggul.svg, Öbür Monggol, Өвөр Монгол Övör Mongol; Chinees: 内蒙古; pinyin: Nèi Měnggǔ) is ’n streek van Noord-China, bekend vir sy grasvlaktes en woestyn.[1] Dit 'n outonome gewes van die Volksrepubliek China met 'n bevolking van 24 706 321 (in 2010). Die administratiewe gebied van Binne-Mongolië strek oor 'n oppervlakte van 1 183 000 km2. Die hoofstad is Hohhot en die grootste stad Baotou.

Binne-Mongolië se ligging in die Volksrepubliek China
Die Binne-Mongoolse woestyn

Binne-Mongolië grens aan agt provinsies in die suide en ooste (Heilongjiang, Jilin, Liaoning, Hebei, Shanxi, Shaanxi, Ningxia en Gansu), aan Xinjiang in die weste en aan Mongolië en Rusland in die noorde.

Han-Chinese is met 79% die grootste etniese groep, gevolg deur Mongole met 17% en Mantsjoes met 2%.

Buite-Mongolië was 'n historiese gebied van die Qing-dinastie noord van Binne-Mongolië, wat vantevore oor die onafhanklike staat Mongolië en die Republiek Tiwa in Rusland gestrek het.

KultuurWysig

Binne-Mongolië is 'n outonome streek en het dus 'n spesiale beleid vir Chinese minderhede. Mense is byvoorbeeld verplig om Mongools as 'n amptelike taal te gebruik, benewens Chinees. Hierdie reël word streng deur die regering nagekom. In skole, behalwe Chinese skole, word lesse ook in Mongools gegee. Die Mongoolse skrif word ook deur die regering en skole gebruik. Die regering stel die gebruik van die Mongoolse skrif as verpligtend. Daarom word byna alle regeringsgeboue, treinstasies, straatname en advertensietekens van winkels en groot kettinggroepe soos KFC en McDonald's voorsien van Chinese én Mongoolse name.

Buite Binne-Mongolië word die Mongoolse skrif amper nie gebruik nie. In Mongolië ("Buite-Mongolië") word die Cyrilliese alfabet gebruik om Mongools te skryf.

Stede in Binne-MongoliëWysig

  • Baotou
  • Dongsheng
  • Erenhot
  • Hailar
  • Hohhot (hoofstad)
  • Jining
  • Linhe
  • Manzhouli
  • Ulanhot
  • Wuhai
  • Yakeshi

Administratiewe indeling van Binne-MongoliëWysig

Administratiewe indeling van Binne-Mongolië
 
Kode van
administratiewe afd. [2]
Afdeling Oppervlakte
in km2[3]
Bevolking 2010[4] Setel Afdeling[5]
Distrikte Distriks-
afdelings
Out.
afdelings
Stads-
pref.
  150000 Binne-Mongoliese Outonome Streek 1 183 000 24 706 321 Hohhot-stad 23 66 3 11
6 150100 Hohhot-stad 17 186 2 866 615 Xincheng-distrik 4 5
5 150200 Baotou-stad 27 768 2 650 364 Jiuyuan-distrik 6 3
3 150300 Wuhai-stad 1 754 532 902 Haibowan-distrik 3
9 150400 Chifeng-stad 90 021 4 341 245 Songshan-distrik 3 9
10 150500 Tongliao-stad 59 535 3 139 153 Horqin-distrik 1 6 1
4 150600 Ordos-stad 86 881 1 940 653 Hia'bagx-distrik 2 7
12 150700 Hulunbuir-stad 254 003 2 549 278 Hailar-distrik 2 4 3 5
2 150800 Bayannur-stad 65 755 1 669 915 Linhe-distrik 1 6
7 150900 Ulanqab-stad 54 447 2 143 590 Jining-distrik 1 9 1
11 152200 Hinggan-unie 59 806 1 613 250 Ulanhot-stad 4 2
8 152500 Xilingol-unie 202 580 1 028 022 Xilinhot-stad 10 2
1 152900 Alxa-unie 267 574 231 334 Alxa-afdeling 3

VerwysingsWysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Archived copy" 中华人民共和国县以上行政区划代码 (in Chinees). Ministry of Civil Affairs. Geargiveer vanaf die oorspronklike op 2 April 2015. Besoek op 7 April 2015.AS1-onderhoud: "Argiefkopie" as titel (link)
  3. (zh) Shenzhen Statistical Bureau. Archived copy 《深圳统计年鉴2014》 (in Chinees). China Statistics Print. Geargiveer vanaf die oorspronklike op 2015-05-12. Besoek op 2015-05-29.AS1-onderhoud: "Argiefkopie" as titel (link)
  4. Census Office of the State Council of the People's Republic of China; Population and Employment Statistics Division of the National Bureau of Statistics of the People's Republic of China (2012). 中国2010人口普查分乡、镇、街道资料 (1 uitg.). Beijing: China Statistics Print. ISBN 978-7-5037-6660-2.
  5. Ministry of Civil Affairs (August 2014). 《中国民政统计年鉴2014》 (in Chinees). China Statistics Print (中国统计出版社). ISBN 978-7-5037-7130-9.

Eksterne skakelsWysig