Lichterfelder FC
 | |
| Volledige naam | Lichterfelder Fußball-Club Berlin 1892 e.V. |
| Stigtingsdatum | 20 Maart 1892 |
| Tuisveld | Stadion Lichterfelde, Berlyn |
| Kapasiteit | 4 300 |
| Kompetisie | Oberliga Noordoos-Noord |
Lichterfelder FC is 'n sokkerklub uit die hoofstad van Duitsland, Berlyn. Lichterfelde is 'n distrik in die suidweste van Berlyn.
Die klub is oorspronklik gestig as FV Brandenburg Berlyn op 20 Maart 1892. In die vroeë 1900’s het TuFV Helvellia Berlyn van die klub afgestig, maar in 1905 is die oorspronklike klub herstel. Die klub is ernstig verswak deur die Eerste Wêreldoorlog en het byna verdwyn, maar in 1919 het die klub met Berliner SC 09 Brandenburg saamgesmelt om SV Brandenburg Berlyn te vorm. In 1921 is daar weer met BBC 03 Berlyn saamgesmelt om BBC-Brandenburg Berlyn te vorm. Die klub het in die 1920’s vir twee seisoene op die hoogste vlak meegeding.
Teen 1929 was die klub se naam FV Brandenburg Berlyn en in 1933 is daar met FC Eintracht Lankwitz saamgesmelt. Tydens die Tweede Wêreldoorlog was die klub verplig om tydelik met Rot-Weiß-Schöneberg saam te smelt om 'n span in die veld te kon stoot. Na die oorlog is die klub deur die Geallieerdes ontbind, maar laat in 1945 is die klub herstig as SG Steglitz-Friedenau en in 1950 is die klub herdoop as FV Brandenburg Berlyn.
In 1971 het die span met FC Lichterfelde (gestig in 1912) saamgesmelt om FV Brandenburg Lichterfelde te vorm en in 1988 is daar weer met Lichterfelder Sport-Union saamgesmelt om VfB Lichterfelde 1892 te vorm. Die huidige naam is in 2004 aangeneem.
Stadion
wysigDie klub se tuisveld is die Stadion Lichterfelde in die stadsdeel Steglitz. Die stadion is tussen 1926 en 1929 gebou en was tussen 1933 en 1945 bekend as die Adolf Hitler-stadion.
Onlangse ligaposisionering
wysig
|
|
Eksterne skakels
wysig| Oberliga Noordoos-Noord 2007/08-seisoen | |
|
Berlin AK 07 | BFC Dynamo | Hertha BSC Berlyn II | BFC Preussen | Lichterfelder FC | | |