Livingstone-waterval
Die Livingstone-waterval (Chutes de Livingstone) is ‘n opeenvolgende reeks van geweldige groot stroomversnellings in die benedeloop van die Kongorivier.
Hierdie reeks van 32 katarakte lê in die 354km tussen Kinshasa en Brazzaville aan die Malebo-poel en die rivierhawe Matadi by 5° 49′ 03″ suid en 13° 28′ 51″ oos.
Op hierdie trajek verloor die rivier 274m aan hoogte bo seespieël. Normaalweg vloei hier in die rivier minstens ‘n 40 000m³ water per sekonde. In die reënseisoen kan dit styg tot 56 000m³ per sekonde. Gemeet aan die volume water is dit die grootse waterval in die wêreld. Die loop van die rivier is hier tot ‘n 5km wyd en soms tot ‘n 200m diep. By die Inga-waterval en die Rapides de Kanza is die stroomsterkte besonder hoog, want die val is daar ‘n 40m oor ‘n afstand van slegs 10km. Al die katarakte en veral die Inga- en die Yellala-waterval en die Zongo-waterval (Chutes de Zongo) maak skeepvaart tussen die hawestad Matadi en die hoofstede onmoontlik. Maar die katarakte bied ‘n groot potensiaal vir die opwekking van hidroëlektrisiteit.
Die waterval is vernoem na die Skotse sendeling en ontdekker David Livingstone (1813-1873).
Let wel
wysigDie Kapichira-waterval staan soms ook as die Livingstone-waterval bekend. Ook in Kanada is daar ‘n Livingstone Falls.
Bibliografie
wysigEksterne skakels
wysig
Wikimedia Commons het meer media in die kategorie Livingstone-waterval.
