Loogkruid

Die Loogkruid ("Sarcocornia perennis" (sensu auctorum austroafricanum) of Sarcocornia tegetaria ) is 'n meerjarige vetplant wat aan die hele kuslyn van Suid-Afrika voorkom en tot 30 cm hoog word. Die plant neig om te rank en het blink, gelede stingels met geen sigbare blare nie. Hulle groei by riviermondstrande en soutmoerasse. Partykeer is hulle onder water met hooggety en vorm plate laag op die riviermond moddervlaktes.

Loogkruid
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Orde:	Caryophyllales
Familie:	Amaranthaceae
Genus:	Sarcocornia
Spesie:	S. tegetaria
Binomiale naam
Sarcocornia tegetaria S. Steffen

Wetenskaplike naam

Die Suid-Afrikaanse plant is deur A.J. Scott beskryf as Sarcocornia perennis 'n eetbare soort wat ook uit Europa bekend is. In 2009 het S. Steffen, L. Mucina en G. Kadereit op basis van molekulêre en morfologiese studies egter gevind dat dit twee verskillende soorte is. Hulle het voorgestel die Suider-Afrikaanse soort wat van Namibië tot Mosambiek voorkom S. tegetaria te noem. Hulle het egter ook gevind daar nog twee soorte is wat endemies is vir 'n paar plekke aan die Suid-Afrikaanse weskus wat hulle S. decussata en S. freitagii noem.

Die Europese soort S. perennis is gebruik om kaliloog uit die as daarvan te wen, hoewel in Nederland daarvoor meer die soorte van die geslag Salsola gebruik is, wat in Nederlands daarom Loogkruid genoem word. In Nederlands word Sarcocoria soorte Zeekraal genoem. Die soort S. europaea word kort gekook (sonder sout) as groente geëet en dit lyk op spinasie.

Sien ook

• Alfabetiese lys van Suid-Afrikaanse bome

Bronnelys

• Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
• Plants of the World