Teerhout

Die Teerhout (Loxostylis alata) is 'n klein immergroen boompie wat dikwels aan die rand van die Karoo gevind word op rotsagtige plekke. Hulle groei ook op die some van woude en langs rivieroewers in die Oos-Kaap en KwaZulu-Natal. In Engels staan die boom bekend as die Tarwood. Die boom se FSA-nommer is 365. Dit is die enigste spesie in die genus en Loxostylis is dus 'n Monotipiese takson.

Teerhout
Loxostylis alata
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Sapindales
Familie:	Anacardiaceae
Genus:	Loxostylis
Spesie:	L. alata
Binomiale naam
Loxostylis alata Spreng. ex Rchb.
Sinonieme
Anasyllis angustifolia E.Mey. Anasyllis latifolia E.Mey. Loxostylis latifolia C.Presl Rhus calycina Steud.

Blare

Die blaar is saamgestel met 'n enkele blaartjie aan die punt. Die rande van die blaartjies is nie getand of gekeep nie.

Blomme en vrugte

Die vroulike en manlike blomme word aan verskillende bome gedra. Beide geslag blomme is klein en romerig wit. Sodra die vrug op die vroulike boom begin vorm, ontwikkel die kelkblare vinnig en word helderpienk tot steenrooi. Wanneer die vrug geskraap word, word 'n taai, swart stof vrygestel wat aanleiding gegee het tot die naam van die boom.

Galery

• 
  Blomme
• 
  Takke en blare.

Sien ook

• Alfabetiese lys van Suid-Afrikaanse bome

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Plants of the World Online
• REDLIST Sanbi