Ludwig Strykkwartet

Die Ludwig Strykkwartet, somtyds ook eenvoudig na verwys as die Ludwig Kwartet, is 'n Franse strykkwartet wat in 1985 gestig is nadat dit eerste prys tydens die Conservatoire National Supérieur de Musique de Paris verower het. Na die stigting daarvan het die lede van die Ludwig Kwartet hul vaardighede met Bruno Pasquier begin opskerp. Hulle het ook baat gevind by voorstelle en advies van die dirigent Sergiu Celibidache sowel as deur samewerking met die Berg-, Tokio-, Amadeus-, LaSalle- en Kolish-kwartette. Nadat hulle verskeie pryse by internasionale kompetisies gewen het (Menuhin Stigting, Portsmouth-kompetisie, Arthur Honegger-kompetisie, Vittorio Gui-kompetisie in Florence), is die Ludwigs uitgenooi om 'n jaar aan die Universiteit van Yale met die Tokio Kwartet te spandeer voordat hulle die inwonende kwartet van die Conservatoire National Supérieur de Musique et de Danse van Parys geword het.

Lede

• Thierry Brodard, 1ste Viool
• Manuel Doutrelant, 2de Viool
• Padrig Faure, Altviool
• Anne Copery, Tjello

Pryse en toekennings

Die Quatuor Ludwig beskik oor 'n ryk en uitgebreide biblioteek van opnames wat reeds verskeie toekennings verower het, insluitende die Grand Prix du Disque lyrique, die Grand Prix de l'Académie du Disque Français, die Grand Prix International du Disque de l'Académie Charles Cros en die Grand Prix du Midem. 'n Opname van die strykkwartette No 1, 3 en 8 van Dmitri Sjostakowitsj is in Oktober 2011 vrygestel onder die Calliope plate-etiket.

Diskografie

• Dmitri Sjostakowitsj - Kwartette n° 1 - 3 - 8 - 2011 - (Calliope - CAL 1102)
• Joseph Haydn se - Die Sewe Laaste Woorde van Christus - Heruitreiking 2009 - (CSM 0007)
• Johannes Brahms - Kwartette No. 1 en 2 - (Naxos 8.554271)
• Johannes Brahms - Kwartet No. 3 en Kwintet met klarinet - (Naxos 8.554601)
• Johannes Brahms - Strykkwintette - (Naxos 8.553635)
• César Franck - Kwintet met klavier - Ernest Chausson Kwartet Opus 35 - (Naxos 8.553645)
• Berg-Dutilleux-Webern - (Timpani 1C1005)
• Honegger - Volledige Kwartette - (Timpani C 1011)
• Debussy-Ravel - (EMS AAOC 93812)
• Jehan Alain - Kwintet - Sekstet (Arion 68321)
• Jehan Alain - Messe modale - (SISYPHE004 3760002130118 - 2)
• Jehan Alain - Jehan Alain retrouvé - (Arion) - Diapason d'or van die jaar 2005
• Ernest Chausson - Les mélodies met Billy Eidi - klavier, Sandrine Piau (sopraan), Brigitte Balleys (mezzo-sopraan) - Jean-François Gardeil - (baritoon). (Timpani 2C2132)
• Michaël Levinas - Kwintet met twee altviole met Gérard Caussé
• Thierry Escaich - "Chorus" - met Florent Héau (klarinet), Bertrand Chamayou (klavier).
• Carnet de Voyage (AMESON)

Webblad

• Amptelike Webwerf (Tuisblad)^{[dooie skakel]}