Lugmag van die Volksbevrydingsleër
Die Lugmag van die Volksbevrydingsleër, kortweg PLAAF, is die lugmag van die Volksrepubliek China. Die lugmag word in die nadraai van die Chinese Burgeroorlog gestig, net na die oprigting van die Volksrepubliek self en nadat die nasionaliste en hul lugmag verdring is na die eiland Taiwan.
Die lugmag se taak omvat sowel verdediging as aanval en die lugmag is tewens ook verantwoordelik vir lugafweer. Die Chinese Lugmag behoort tot die grootste ter wêreld. In 2010 bestaan hulle uit sowat 400 000 manskappe. In vroeëre jare is daar met verouderde Russiese vliegtuie gevlieg deur loodse wat min vliegure agter hul naam gehad het. In onlangse jare het China egter 'n grootskaalse modernisering van die Volksbevrydingsleër begin om die Weste in te haal. Die loodse word beter opgelei en daar word eie meer moderne vliegtuie ontwikkel. Die Chinese Vloot het sy eie lugmag: die Maritieme Lugmag van die Volksbevrydingsleër.
Die begin met Sowjetsteun
wysigDie eerste lugeenheid van die Volksbevrydingsleër word in die somer van 1949 opgerig met veertig van die nasionaliste se buitgemaakte toestelle. Die volkslugmag word met steun van die Sowjetunie gevorm. China was betrek by die Korea-oorlog en opereer toe met MiG-15's. Hiermee begin 'n lang geskiedenis van gelisensieerde afgeleides van Russiese militêre vliegtuie.
Verder sonder die Sowjetunie
wysigIn 1961 kom daar egter 'n politieke breuk tussen China en die Sowjetunie, waardeur ook 'n einde kom aan die Russiese hulp. Terselfdertyd tree vuurpyle en kernwapens op die voorgrond en die Chinese vliegtuigbouers gryp alle geleenthede aan.
Ná die bloedige geweldpleging by die Tiananmen-betogings van 1989 en die ontbinding van die Sowjetunie plooi die Chinese belangstelling terug op Rusland. China vernuwe hul lugmag en koop die nuutste Russiese vegvliegtuie aan. Tegelykertyd word ook duisende ergverouderde toestelle uit diens gestel, waardeur hul inventaris sterk daal.
China se ekonomiese mag maak dit egter moontlik dat die land self moderne militêre vliegtuie kan ontwikkel, soos die Chengdu J-20 wat aan die Amerikaanse F-22 Raptor gelykgestel word.
Eksterne skakels
wysig
Wikimedia Commons het meer media in die kategorie Lugmag van die Volksbevrydingsleër.
 | Hierdie lugvaartartikel is 'n saadjie. Jy kan Wikipedia help deur dit uit te brei. |