Madison
Madison is die hoofstad van Wisconsin, 'n deelstaat van die Verenigde State. Dit is geleë in Dane County.
|
Madison | |
|---|---|
| Kaart | Wapen |
 | |
 | |
| Vlag | |
.svg) | |
| Land |  Verenigde State
|
| Deelstaat |  Wisconsin
|
| Koördinate | 43°04′N 89°24′W / 43.067°N 89.400°W |
| Gestig op | 9 Oktober 1839 |
| Geïnkorporeer op | 1848 |
| Oppervlakte: | |
| - Totaal | 219 vk km |
| Bevolking: | |
| - Totaal (Stad en county 2010) | 233 209 |
| - Bevolkingsdigtheid | 1 169,8/vk km |
| - Metropolitaanse gebied | 568 593 |
| Tydsone | CST (UTC -6) Somertyd: CDT (UTC -5) |
| Klimaat | |
| - Tipe | Kontinentale klimaat |
| - Gemiddelde jaarlikse temperatuur | 6,5 °C |
| - Gem. temp. Januarie/Julie | -6,5 / 21,5 °C |
| - Gemiddelde jaarlikse neerslae | 874,3 mm |
| Burgemeester | Satya Rhodes-Conway (D) |
| Amptelike Webwerf | cityofmadison.com |
Karakter
wysig
Madison se karakter word hoofsaaklik gevorm deur die teenwoordigheid van die hoofkampus van die Universiteit van Wisconsin en die feit dat dit die setel is van Wisconsin se regering. Die stad is geleë tussen twee groot mere en ook omring deur melkplase en 'n aantal naburige natuur reservate soos onder andere Governer Nelson State Park, Blue Mounds State Park, Devil's Lake State Park. Milwaukee is per motor omtrent 'n driekwartier oos van Madison and Chicago is twee-en-'n-halfuur suid-oos.
Die universiteit het onder andere sterk departemente van meganiese, elektriese, rekenaar- en chemiese ingenieurswese; onderwys en biologie. Daar is nagenoeg 160 000 studente by die universiteit ingeskryf en dit trek baie studente van oorsee, veral vir nagraadse studies. Die teenwoordigheid van die universiteit maak dat daar gereeld nuwe tegnologiemaatskappye in Madison en omgewing ontstaan.
Die hart van Madison is geleë op 'n landengte tussen Mononameer en Mendotameer. Die stad sprei uit langs die twee mere saam met 'n paar kleiner munisipaliteite. Die goewermentsgebou (Capitol) staan op die stadsplein op 'n heuwel in die middel van die landengte, omring deur laer geboue sodat dit altyd van ver af sigbaar sal wees. Die plein word gedurende die somer ook vir kunsuitstallings, simfoniekonserte en parades gebruik.
Madison het 'n inwonertal van omtrent 233 000 in 2010 gehad.
Geskiedenis
wysigDie stad het sy oorsprong in 1836 toe 'n eertydse federale regter, James Doty, ongeveer 4 km² gekoop het rondom Mendota-, Monona-, Waubesa-, en Kegonsamere. Hy het die staatswetgewers oortuig dat hulle hul hoofstad hier moet kom vestig, en hulle het toe in November 1836 ingestem.
Klimaat
wysig
Vanweë die feit dat Madison relatief vér noord lê (43°) word die winters koud en die gemiddelde dagtemperatuur wissel van -8 °C in Januarie tot 22 °C in Julie.
Gemiddelde jaarlikse reënval is 84 cm en sneeuval is 127 cm.
Ontspanning
wysigVir ontspanning gedurende die somer spandeer baie mense tyd op die mere in hulle bote en in die omliggende dele op hulle fietse of in kampterreine. In die winter is die mere bevrore en word daar deur die ys vis gevang en op die ys geskaats. Parke in en om die stad laat skiërs hulself geniet. Die jag van wildsbokke, wilde eende en wilde kalkoene is ook 'n populêre herfs- en lentetydverdryf op die omliggende plase en openbare land.
Landbou
wysigDie meerderheid van die omliggende plase is melkplase waar meestal met Frieskoeie geboer word alhoewel Jersey en ander koeie ook gebruik word. Mielies, lusern en sojaboontjies word geproduseer as voer. Vark-, hoender- en beesboerdery sowel as koring- en tabakplase word ook hier gevind.
Eksterne skakels
wysig| Wikimedia Commons bevat media in verband met Madison. |
- Universiteit van Wisconsin, Madison
- Madison nuus
- Madison webwerf
- Wisconsin Staatsklimatologiekantoor
|
|
Hoofstede van die Verenigde State | .svg){kind=small}
|
||
|---|---|---|---|---|
| ||||