Magnesiumchloried
Magnesiumchloried is 'n sout van magnesium en soutsuur met die formule MgCl2. Dit is 'n higroskopiese en diamagnetiese stof.
|
Algemeen | |
|---|---|
| Naam | Magnesiumchloried |
 | |
| Chemiese formule | MgCl2 |
| Molêre massa | 95,21 [g/mol][1] |
| CAS-nommer | 7786-30-3[1] |
| Voorkoms | Wit vastestof[1] |
| Reuk | reukloos[1] |
| Fasegedrag | |
| Selkonstantes | ah = 363,63(1)pm; ch = 1766,63(5)pm[2] |
| Ruimtegroep | R3m |
| Nommer | 166 |
| Strukturbericht | C19 |
| Smeltpunt | 708 °C[1] |
| Kookpunt | 1412 708 °C[1] |
| Digtheid | 2,35 [g/cm3][2] |
| Oplosbaarheid | oplosbaar; stel hitte vry |
|
Suur-basis eienskappe | |
| pKa | |
|
Veiligheid | |
| Flitspunt | |
| LD50 | 2 800 [mg/kg] (rot; oraal) |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Strukture
wysigWatervrye magnesiumchloried kristalliseer in die gelaagde romboëdriese (trigonale) CdCl2-struktuur[2] (C19 in die strukturbericht-klassifikasie. Die magnesiumione is oktaëdries omring deur chloriedione.
Die sout vorm 'n paar hidrate. Wat verhandel word is gewoonlik die heksahidraat MgCl2·6H2O, wat as die mineraal bischofiet in die natuur voorkom. Verhitting onder stikstof kan egter ook die tetrahidraat MgCl2·4H2O (teen 90°C) en die dihidraat MgCl2·2H2O (teen 120 °C) vrystel. Hoër temperature lei tot verlies van HCl en uiteindelik die vorming van die oksied MgO.[3]
Produksie
wysigMagnesiumchloried kan uit seewater of uit soutneerslae ontgin word. Dit kom veral in die vorm van die mineraal carnalliet voor. Dit is 'n dubbelsout van KCl en MgCl2. [4]
Gebruike
wysigMagnesiumchloried word medies as dieetaanvulling gebruik.[5]
Gesmelte magnesiumchloried word vir die vervaardiging van die metaal magnesium gebruik deur dit aan elektrolise te onderwerp. Gekonsentreerde oplossings van die sout kan gemeng word met MgO-poeier om 'n pap te maak wat tot 'n soort sement verhard deur die vorming van oxichloriede.[4]
Die stof het ook heelparty industriële toepassings:[6]
- Dit word as katalisator of draermateriaal vir katalisators gebruik
- Dit word in rubberkabels, mynkabels, mariene kabels en ander nywerhede gebruik . Dit kan die kabel se weerstand teen roes, sure en hoë temperatuur verbeter. Dit vergroot die werkstabiliteit onder strawwe toestande.
- Dit word vir mediese rubberprodukte, kleefmiddels ensomeer gebruik.
- Dit word by die industriële vervaardiging van gekonsentreerde salpetersuur gebruik, hoofsaaklik vanweë sy waterabsorpsie-effek in die produksieproses
- Dit word by die vervaardiging van gevorderde kleefmiddels gebruik. Dit verbeter die stoorstabiliteit van die gom.
- Dit word as vlamvertrager gebruik om die brandweerstand te verbeter.
- Dit word as 'n bymiddel in veevoer gebruik. Dit kan siektes van die senustelsel, wat veroorsaak word deur onvoldoende magnesium, vermy.
- Industriële magnesiumchloried word in hoëtemperatuurbedrywighede gebruik, soos in oonde vir staalvervaardiging in die yster- en staalindustrie.
Verwysings
wysig- ↑ 1,0 1,1 1,2 1,3 1,4 1,5 "sds". Fisher.
- ↑ 2,0 2,1 2,2 D.E. Partin, M. O'Keeffe (1991). "The structures and crystal chemistry of magnesium chloride and cadmium chloride". Journal of Solid State Chemistry. 95 (1): 176–183. doi:10.1016/0022-4596(91)90387-W.
{{cite journal}}: AS1-onderhoud: gebruik authors-parameter (link) - ↑ Herbstein, F.H., Kapon, M., Weissman, A. (1982). "X-ray Diffraction as a Tool for Studying Stoichiometry and Kinetics of Solid State Thermal Decomposition Reactions. Application to the Thermal Decomposition of Bischofite MgCl2 · 6H2O". Isr. J. Chem. 22: 207–213. doi:10.1002/ijch.198200041.
{{cite journal}}: AS1-onderhoud: gebruik authors-parameter (link) - ↑ 4,0 4,1 Prins, Ada; Groot, Grada P. de (1935). Leidraad voor de anorganische en organische scheikunde. Met toepassingen in industrie en huishouding.
{{cite book}}: AS1-onderhoud: gebruik authors-parameter (link) - ↑ "Magnesium DR - Uses, Side Effects, and More". WebMD.
- ↑ "What Are the Applications of Industrial Grade Magnesium Chloride?". Sta-fluxes.