Magnoliadal
Magnoliadal is 'n natuurskoonpark in Bailey's Muckleneuk, Pretoria, Suid-Afrika. Die park is geleë op die skerphoek tussen Koningin Wilhelminarylaan en Charlesstraat met die Walkerspruit wat deur die park loop. Die park is omring met hoë bome en die spruit vorm 'n dam met 'n standbeeld van Peter Pan in die middel. Die Magnoliavlooimark word op die eerste Sondag van elke maand in die park gehou en gereelde Kuns in die park en die Moonlight Market verseker die volgehoue benutting van die park. Een keer per jaar kan die blomme van die Magnoliabome by die park en in Koningin Wilhelminarylaan ook besigtig word. Die park het 'n gewilde restaurant wat as Huckleberry's bekend staan.[1]
Die Apartheidera chemiese en biologiese oorlogvoeringdeskundige, Wouter Basson, is op 29 Januarie 1997 in die park gearresteer.[2]
Die Gautreinroete loop verby Magnoliadal op die bestaande spoorlyn langs Universiteitsweg en 'n nuwe stuk waar die spoor reguiter gemaak is.
Verwysings
wysig- ↑ City of Tshwane Parks in Tshwane Geargiveer 4 Oktober 2009 op Wayback Machine, besoek op 29 Desember 2006
- ↑ Dispatch online, Basson victim of drug dealer's plot, court told, besoek op 29 Desember 2006