Walkerspruit
Walkerspruit is 'n spruit wat deur Pretoria loop. Dit ontspring in die Waterkloof-koppies en vloei deur die Oostelike voorstede en Magnoliadal tot dit naby Leeubrug by die Apiesrivier aansluit. Walkerspruit vorm 'n dam in die Austin Roberts-voëlreservaat in Nieuw Muckleneuk, Pretoria waar die Argospruit daarmee saamvloei. Die dam was aanvanklik 'n kleigroef wat later met water gevul is.
