Mandla Mandela

Mandla Mandela (gebore 21 Junie 1974) is sedert 2009 'n lid van die Nasionale Vergadering van Suid-Afrika vir die African National Congress.

Mandla Mandela
Lid van die Nasionale Vergadering van Suid-Afrika
Ampsbekleër
Termynaanvang Mei 2009
President	Jacob Zuma→C. Ramaphosa
Hoof van die Mvezo Tradisionele Raad
Ampsbekleër
Termynaanvang tans
Persoonlike besonderhede
Gebore	21 Junie 1974 (1974-06-21) Orlando-Oos, Soweto, Suid-Afrika
Politieke party	African National Congress
Alma mater	Rhodes-universiteit (B.A.)
Religie	Islam

Hy is 'n kleinseun van die afgestorwe ikoon-president Nelson Mandela. Sy vader, Makgatho Mandela, is in 2005 oorlede, wat sy weg gebaan het na die hoofmanskap van die stam. Aangesien die stam eers in 2007 besprekings gehou het om 'n lid uit die Mandela-familie te verkies, is hy as opvolger gekies. Nelson Mandela het byna 70 jaar tevore die reg van Thembu-leier prysgegee om wit heerskappy in Suid-Afrika te beveg. Terwyl die stam nou van hom verwag het om sy titel terug te eis, het hy voorgestel dat sy kleinseun die rol aanneem. Toe die jonger Mandela in 2007 hoofman geword het, was hy slegs 32 jaar oud en die meeste van sy pligte het glo stamseremonies behels, om geskille tussen stamlede te besleg en om die stam tydens politieke kwessies te verteenwoordig.

Persoonlike lewe

Mandla Mandela is vierkeer getroud. Die vroue is Tando Mabuna-Mandela, Anaïs Grimaud, Mbali Makhathini en Raabia Clarke.

Grafkontroversie

Lede van die Mandela-familie het die Mthatha-hooggeregshof in Julie 2013 genader om Mandela te dwing om die oorskot van drie van Nelson Mandela se kinders aan Qunu terug te gee. Mandela het hulle in 2011 na Mvezo verskuif sonder om die Mandela-gesin te raadpleeg. Die gesin het ook 'n strafsaak van gepeuter met 'n graf gelê. ’n Regter van die Suid-Afrikaanse hooggeregshof, regter Lusindiso Phakade, het ten gunste van die klaers beslis. Hy het Mandela beveel om die lyke by Qunu op te grawe en te herbegrawe.