Mangochi
Mangochi is ’n dorp in die Suidelike Streek van Malawi. Dit is naby die suidpunt van die Malawimeer geleë en is voorheen Fort Johnston genoem. In 2008 het dit ’n inwonertal van 51 429 gehad.
Mangochi Fort Johnston | |
|---|---|
Dorp | |
 Die Malawimeer, oos van Mangochi. | |
  Mangochi Mangochi se posisie in Malawi. | |
| Koördinate: 14°27′36″S 35°16′12″O / 14.46000°S 35.27000°OKoördinate: 14°27′36″S 35°16′12″O / 14.46000°S 35.27000°O | |
| Streek | Suidelike Streek,  Malawi |
| Distrik | Mangochi |
| Hoogte | 470 m (1 540 ft) |
| Bevolking 2008 | |
| • Totaal | 51 429 |
| Tydsone | UTC+2 (Sentraal-Afrikaanse tyd) |
| • Somertyd | UTC+2 |
| Klimaat | Tropiese savanne |
Geskiedenis wysig
Mangochi is in die 1890's deur die koloniale administrateur sir Harry Johnston op die wesoewer van die Shirerivier gestig as ’n verdedigingspos van die Sentraal-Afrikaanse Federasie.[1] Hierna was Fort Johnston, soos dit toe bekend was, ’n belangrike slawemark en administratiewe sentrum.[2]
Die dorp is 470 m bo die seespieël en lê tussen die meer en die Shirerivier,[2] sowat 190 km noordoos van Blantyre, Malawi se ekonomiese sentrum.[3]
Beskrywing wysig
Mangochi is as ’n landbousentrum gevestig wat die verbouing van tabak, katoen en grondboontjies insluit.[1] Rys en mielies word aan die oewers van die meer verbou en vissery is ook ’n baie belangrike bedryf.[1]
Op die dorp is ’n paar winkels, ’n poskantoor, banke en die Malawimeer-museum.[2] ’n Kloktoring wat van die vroeë 20ste eeu dateer, is opgerig ter ere van koningin Victoria.[4]
Mangochi is net weg van die M3-pad geleë.[4] Alle busse van Monkey Bay na Blantyre stop op die dorp.[2] Minibusse loop na Liwonde, Zomba en Blantyre.[2] Die Bakili Muluzi-brug loop by die dorp oor die rivier.[2]
Demografie wysig
| Jaar | Inwoners[5] |
|---|---|
| 1987 | 14 758 |
| 1998 | 27 055 |
| 2008 | 51 429 |
Die taal Yao, veral die Mangochi-dialek, word hoofsaaklik gepraat.[6] Daar is ook ’n Swahili-nedersetting.[7]
Toerisme wysig
Mangochi word deur Lonely Planet beskryf as ’n dorp met ’n "effense Swahili-gevoel", met palmbome, Arabies-tipe mense en kokosneute wat op straat verkoop word.[2] Daar is verskeie gastehuise en lodges vir toeriste.[2] By die Nkopola Lodge aan die meer kan ’n mens swem, visvang en seil.[8]
Verwysings wysig
- ↑ 1,0 1,1 1,2 "Mangochi". Encyclopaedia Britannica (in Engels). 2008. Geargiveer vanaf die oorspronklike op 6 April 2015. Besoek op 18 Julie 2008.
- ↑ 2,0 2,1 2,2 2,3 2,4 2,5 2,6 2,7 Murphy, Alan; Armstrong, Kate; Firestone, Matthew D.; Fitzpatrick, Mary (2007). Lonely Planet Southern Africa: Join the Safari. Lonely Planet. p. 205. ISBN 1-74059-745-1.
- ↑ "Soldiers Sent To Help Quell Riots in Malawi". The New York Times. 29 Junie 2003. Besoek op 17 Julie 2008.
- ↑ 4,0 4,1 "Mangochi". Malawi Tourism. Geargiveer vanaf die oorspronklike op 20 Julie 2008. Besoek op 18 Julie 2008.
- ↑ "World Gazetteer: Malawi: largest cities and towns and statistics of their population". World Gazetteer (in Engels). Geargiveer vanaf die oorspronklike op 15 Mei 2012. Besoek op 17 Julie 2008.
- ↑ Baldauf, Richard B.; Kaplan, Robert (2004). Language Planning and Policy in Africa: Botswana, Malawi, Mozambique and South Africa. pp. 85–89. ISBN 1-85359-725-2.
- ↑ Baldauf, p. 91
- ↑ Gupte, Pranay B. (28 September 2008). "Malawi Now Inviting Visitors to Its Feast of Beauty; Malawi Is Now Inviting Visitors to Share In Its Feast of Natural Beauty If You Go". The New York Times.
Eksterne skakels wysig
- MSN-kaart[dooie skakel]
- MSN-kaart[dooie skakel]
Hierdie artikel is vertaal uit die Engelse Wikipedia
