Marcel Boiteux

Marcel Boiteux (9 Mei 1922 – 6 September 2023) was 'n Franse ekonoom, wiskundige en senior staatsdiensamptenaar. Hy word beskou as die "argitek van die Franse kernprogram". Ingevolge dié program is 61 kernreaktors gebou en dit het die Franse elektrisiteitsektor minder koolstofintensief gemaak as ander Europese lande (behalwe Ysland).

Boiteux het in 1949 by Électricité de France (EDF) aangesluit as 'n student van die bekende Franse fisikus en ekonoom Maurice Allais. Hy het vir die res van sy loopbaan by EDF gewerk. In 1959 het Marcel Boiteux die president van die Ekonometriese Vereniging geword. Van 1967 tot 1987 was hy die direkteur van EDF. Hy het die prys van elektrisiteit teen marginale koste in die maatskappy geïmplementeer, en was een van die argitekte van Frankryk se kernindustrie-ontwikkeling.

Sy loopbaan belig die sosiale omgewing (dié van wetenskaplikes en senior staatsdienste) en die navorsingsprosesse (marginale koste). Sy fokus was voorts op die werksamhede van 'n groot maatskappy en sy strategie, loopbaan- en magsmeganismes in die openbare sektor, staat-openbare-maatskappy-verhoudinge en besluitnemingsprosesse oor belangrike kwessies soos kernkragbeleid wat impak gemaak het.

Werke

• Boiteux, Marcel (Januarie 1956). "Sur la Gestation des Monopoles Publics astreints a l'equilibre budgetaire" (PDF). Econometrica. 24 (1): 22–40.