Mardoek
Mardoek of Marduk (𒀭𒀫𒌓, dAMAR.UTU; Sumeries: amar utu.k, "kalf van die son"; Hebreeus: מְרֹדַךְ, Merōḏaḵ) was 'n god van antieke Mesopotamië en beskermingsgod van die stad Babilon. Toe Babilon die politieke sentrum van die Eufraatvallei word in die tyd vn Hammurabi (18de eeu v.C.) het Mardoek geleidelik opgang gemaak as die hoof van die Babiloniese panteon, 'n posisie wat hy ten volle beklee het teen die tweede helfte van die tweede millennium v.C.[1] In Babilon is hy in die tempel Esagila aanbid. Mardoek se simboliese dier en dienskneg is die draak Mušḫuššu, wat hy vroeër verslaan het.[2]
| Mardoek | ||
| ||
| Uitbeelding van die Standbeeld van Mardoek uit die 9de eeu v.C. Hy is saam met sy draak, Mušḫuššu. | ||
| Soort god | Mesopotamies | |
| God van | Die skepping, water, landbou, geregtigheid, medisyne en magie. | |
| Tuiste | Babilon | |
| Simbool | Sy draak, Mušḫuššu | |
| Ouers | Enki en Damgalnuna | |
| Metgesel | Sarpanit | |
| Kinders | Nabu | |
"Mardoek" is die Babiloniese vorm van die naam. Die naam is Maroetoek uitgespreek.[3] Die etimologie van die naam is moontlik afgelei van amar-Oetoe ("onsterflike seun van Oetoe" of "bulkalf van die songod Oetoe").[4]
Teen die bewind van Hammurabi het Mardoek astrologies verbind geraak met die planeet Jupiter.[5]
Verwysings
wysig- ↑ Jesaja 39, 2 Konings 20:12, Jeremia 50:2
- ↑ Wiggermann, F.A.M. (1992), Mesopotamian Protective Spirits: The Ritual Texts, BRILL, ISBN 978-90-72371-52-2
- ↑ Frymer-Kensky, Tikva (2005), "Marduk", in Jones, Lindsay, Encyclopedia of Religion, 8 (2de ed.), New York, pp. 5702–5703, ISBN 0-02-865741-1
- ↑ Ringgren, Helmer (1974), Religions of The Ancient Near East, The Westminster Press
- ↑ Jastrow, Morris Jr. (1911), Aspects of Religious Belief and Practice in Babylonia and Assyria, New York en Londen: G.P. Putnam's Sons, https://archive.org/details/aspectsofreligio00jast
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
