Astrologie
Astrologie of sterrewiggelary is ’n versamelnaam vir idees oor die verband tussen die lot van mense en gebeurtenisse op aarde en die stand van die hemelliggame. Die naam "astrologie" is afgelei van die Griekse αστρολογια, "astrologia", ’n samestelling van άστρον (astron, ster of sterrebeeld) en λογος (logos, wat onder meer teorie beteken). Dit gaan veral om die samehang tussen die beweging van die son, maan en planete, wat in die oudheid ook as sterre beskou is.
Die beweging van ligpunte soos die son, maan, planete en sterre aan die hemelruim het mense nog altyd betower. Die mens het reëlmaat in hierdie bewegings ontdek en probeer om dit te beskryf, waardeur nie net die ligpunte name gekry het nie, maar ook skynbare samestellings daarvan – die sterrebeelde en sterretekens. Naas die beskrywing van die hemelliggame en hul bewegings, die astronomie, het mense in Babilonië en later ook Egipte, China en ander plekke betekenis aan hul posisies aan die hemelruim toegeken om byvoorbeeld die toekoms van die staat, die grootte van die oes, die styging van die Nyl of die lot van ’n heerser te voorspel. So het die astrologie ontstaan.
Die bekendste element van die astrologie is die geboortehoroskoop. Van die posisie van die son in die diereriem en van die planete tydens iemand se geboorte word sy karaktertrekke en toekoms afgelei. Alle wetenskaplikes beskou astrologie as ’n skynwetenskap of bygeloof.
Sien ook wysig
Verwysings wysig
| Hierdie artikel is in sy geheel of gedeeltelik vanuit die Nederlandse Wikipedia vertaal. |
Verdere leesstof wysig
- (en) Richard Tarnas. Cosmos and Psyche: Intimations of a New World View, Viking, New York, 2006
- (en) Arthur Dione. Jungian Birth charts
- (en) William Lilly. Christian Astrology, Book I, II, III, Astrology Classics (2004)
- (en) Dane Rudhyar. The Astrology of Personality: A Reformulation of Astrological Concepts and Ideals, in Terms of Contemporary Psychology and Philosophy, Lucis Publishing, New York, 1936
- (nl) Dr Karen Hamaker-Zondag. De astrologische duiding uitgeverij Schors, Amsterdam, 1979
- Assem, L. van (1993). The astrologer’s philosophy of life. Correlation, 12(1), p.52-54.
- Cornelius, G. (1994). The Moment of Astrology. Penguin Books, Arkana.
- Dean, G. (1985). Can astrology predict E and N? Correlation, 5(2), p.2-24.
- Dean, G. (1987). Does astrology need to be true? Skeptical Inquirer, 11(2), p.166-184.
- Dean, G. & Mather, A. (1994). Is the scientific approach relevant to astrology? Correlation, 13(1), p.11-18.
- McGrew, J.H. & McFall, R.M. (1990). A scientific inquiry into the validity of astrology.Journal of Scientific Exploration, 4(1), p.75-83.
- Nienhuys, J.W. (1991). Astrologie faalt in Indiana. Skepter, 4(2), p.26-27.