Maak hoofkeuseskerm oop
Dragon.svg

Die Draak (Chinees: 龍, lóng) is die vyfde dier in die twaalfjaarlikse siklus van die Chinese astrologie, volgens die Chinese kalender. Dit hou ook verband met Oos-Asiatiese diereriem- en kalenderstelsels. Die Jaar van die Draak word verbind met die Aardse taksimbool 辰. Dit is die enigste teken wat deur ’n mitiese dier voorgestel word.

Inhoud

BeskrywingWysig

Volgens een legende is daar ’n rede vir die volgorde van die twaalf diere in die twaalfjaarsiklus. Daarvolgens is ’n resies oor ’n groot rivier gehou en die volgorde van die diere in die siklus is die volgorde waarin hulle die resies voltooi het. In dié verhaal word die Draak gevra hoekom hy nie eerste gekom het nie, aangesien hy kan vlieg. Hy verduidelik toe hy is opgehou omdat hy by ’n dorpie moes stop en vir die mense reën bring. Daarna het hy die Konyn verbete aan ’n stomp in die rivier sien vasklou. Hy moes toe op hom blaas sodat hy by die oorkantse oewer kon uitkom. Daarom was hy vyfde, ná die Konyn.

Die Chinese tekens word ook die diereriem genoem omdat geglo word ’n mens se persoonlikheid word deur die dier beïnvloed wat oor jou geboortedatum heers. Net so word die jaar waaroor ’n spesifieke dier heers, daardeur gekenmerk. Die invloed is veral sterk by mense wat in die jaar van die dier gebore is.

Dieselfde twaalf diere word gebruik om die siklus van ure in ’n dag te simboliseer – elk word verbind met ’n tydperk van twee uur. Die tydperk van die Draak is van 07:00 tot 09:00 – die tyd wanneer drake in die lug sweef om reën te bring.

In Chinese simbologie word Drake beskou as gesaghebbend, waardig, eervol en suksesvol, maar ook taktloos, besluiteloos en ongeduldig.

Een navorser het al voorgestel die Aardse tak van dié teken is met skerpioene vereenselwig; dit kon die ster Antares gesimboliseer het.[1]

Jare en die Vyf ElementeWysig

Mense wat binne dié datums gebore is, is in die Jaar van die Draak gebore, met ook die volgende elementêre teken:[2]

Begindatum Einddatum Hemelse tak
22 Januarie 1928 9 Februarie 1929 Aarddraak
8 Februarie 1940 26 Januarie 1941 Metaaldraak
27 Januarie 1952 13 Februarie 1953 Waterdraak
13 Februarie 1964 1 Februarie 1965 Houtdraak
31 Januarie 1976 17 Februarie 1977 Vuurdraak
17 Februarie 1988 5 Februarie 1989 Aarddraak
5 Februarie 2000 23 Januarie 2001 Metaaldraak
23 Januarie 2012 9 Februarie 2013 Waterdraak
10 Februarie 2024 28 Januarie 2025 Houtdraak
28 Januarie 2036 14 Februarie 2037 Vuurdraak

Drake en hul maatsWysig

Teken Beste maats Gemiddelde maats Slegte maats
Draak Draak, Aap, Rot Slang, Haan, Os, Vark, Konyn, Bok, Tier, Perd Hond

Basiese astrologiese elementeWysig

Aardse tak van geboortejaar Chen
Die Vyf Elemente Hout
Jin/jang Jang
Maanmaand 3de
Gelukkige nommers 1, 6, 7; vermy: 3, 8, 9
Gelukkige blomme Gebrokehartjie, ridderspoor
Gelukkige kleure Goud, silwer, geel; vermy: blou, groen
Seisoen Lente
Naaste Westerse teken Ram

Sien ookWysig

VerwysingsWysig

  1. Richard S. Cook (Spring 1997). “The Etymology of Chinese Chen”. Linguistics of the Tibeto-Burman Area 18 (2): 250.
  2. Chinese Zodiac – Dragon”. Your Chinese Astrology. URL besoek op 25 Augustus 2018.

Eksterne skakelsWysig

Vorige teken
Konyn (卯)
Draak (辰) Volgende teken
Slang (巳)