Nan Hua-tempel
Die Nan Hua-tempel (南華寺, Nanhua Si) is die grootste Boeddhistetempel en -kweekskool in Afrika, en is geleë in Bronkhorstspruit in Gauteng, Suid-Afrika. Dit is die Afrika-hoofkwartier van die Fo Guang Shan-orde en is in 1967 gestig. Dit is ’n Mahayana Boeddhistiese kloosterorde.
Geskiedenis
wysigDie tempel is op 8 Maart 1992 gestig toe die Bronkhorstspruitse stadsraad onder dr. Hennie Senekal, wat Taiwan besoek en beleggingsmoontlikhede op die dorp ondersoek het, ses hektaar grond aan die Fo Guang Shan-orde geskenk het vir ’n Boeddhistiese kultuur- en opvoedingsentrum. Bouwerk het in Oktober 1992 begin; die uiteindelike koste van die tempel was R60 miljoen.
Sedertdien is die tempel, sowel as die Nan Hua-gastehuis, Afrika-Boeddhisteseminaar (ABS), Nan Hua-dorp en ander sentrums gebou. Die tempel het takke in ander Suid-Afrikaanse stede gestig, soos Johannesburg, Bloemfontein, Newcastle, Durban en Kaapstad.
Die hooftempel is in 2005 geopen deur die sewende en (nou voormalige) wêreldwye hoofab, Hsin Pei.
Abde en abdiste
wysigDie abde en abdiste van Nan Hua sedert sy stigting is:
- 1992–2002: sy agbare Hui Li (慧禮法師)
- 2001–2003: sy agbare Man Ya (滿亞法師)
- 2003–2006: sy agbare Hui Fang (慧昉法師) (1ste termyn)
- 2006–2008: sy agbare Yi Chun （依淳法師）
- 2008–huidig: sy agbare Hui Fang (慧昉法師) (2de termyn)
Bomontploffing
wysigOp 30 Oktober 2002 het die Boeremag, ’n militante regse Afrikanerbeweging, ’n bom in die kelder van die tempel geplant. Twee personeellede is lig beseer toe die bom se ontsteker voortydig afgaan. Sowat 150 volgelinge van Suid-Afrika, Australië, Taiwan, Maleisië en Amerika het in dié tyd ’n diens in die hooftempel bygewoon en sowat 30 konstruksiewerkers was ook in die omgewing.
Sien ook
wysigEksterne skakels
wysig
Wikimedia Commons het meer media in die kategorie Nan Hua-tempel.- (en) (zh) Webtuiste van die Nan Hua-Boeddhistetempel
