Boeddhisme in Suid-Afrika
Die Boeddhistetradisie kom in verskeie vorme in Suid-Afrika voor. Daar is verskeie tempelsentrums en groepe in die stedelike gebiede, en die land het waarskynlik die grootste Boeddhistegemeenskap in Afrika.
Geskiedenis
wysigVerskeie groepe Boeddhiste is in die 1680's uit Suidoos-Asië na die Kaapkolonie gebring en baie werkers wat in die laaste deel van die 19de eeu uit Indië na Natal gebring is, was Boeddhiste of Hindoes wat hulle later tot die Boeddhisme bekeer het. Verskeie Boeddhistegroepe het in die 1970's in die groot stede ontstaan en sedert die middel 1980's het die land se Boeddhistetradisies gegroei. Dit sluit in Theravada-, Zen-, Nichiren- en Tibettaanse skole. Die Fo Guang Shan-orde het die Nan Hua-tempel, die grootste Boeddhistetempel in Afrika, in Bronkhorstspruit opgerig. Ander Boeddhistekulture het in KwaZulu-Natal, Johannesburg en Kaapstad ontstaan.
’n Ondersoek het in 2003 getoon dat daar in die laat 1990's altesaam 6 000 Boeddhiste in Suid-Afrika was uit ’n bevolking van 42 miljoen (of 0,01% van die bevolking).[1] Volgens ramings in 2010 het dit gegroei tot tussen 0,2%[2] en 0,3%[3] van die bevolking.
Dalai Lama se besoeke
wysigBoeddhisteleiers besoek Suid-Afrika gereeld vir onderrig en seëninge. Die 14de Dalai Lama het in 1999 die Parlement van die Wêreld se Godsdienste bygewoon, maar is ’n visa geweier toe hy gevra het om in Maart 2009 ’n internasionale vredeskonferensie in die land by te woon. Dit het weer gebeur met emeritus-aartsbiskop Desmond Tutu se 80ste verjaardagviering op 7 Oktober 2011.
Die 14de beraad van die wenners van die Nobelprys vir vrede sou in 2014 in Suid-Afrika plaasgevind het, en die Dalai Lama is vir ’n derde keer ’n visum geweier. Die beraad is kort daarna afgestel toe verskeie wenners hul kaartjies uit protes gekanselleer het. Dit het eindelik in Desember 2014 in Rome, Italië, plaasgevind.[4][5]
Die Suid-Afrikaanse departement van buitelandse sake het ontken dat hy ’n visum geweier is en het gesê die Dalai Lama het self sy besoek gekanselleer. Suid-Afrika se betrekkinge met China was egter waarskynlik die hoofrede dat die visum geweier is.[6]
Boeddhistegroepe en -sentrums in Suid-Afrika
wysigWes-Kaap
wysig- Diamond Way-Boeddhistesentrum, Kaapstad Geargiveer 3 April 2015 op Wayback Machine
- Kagyu Samye Dzong – Tibetaanse Boeddhiste-meditasiesentrum, Kenilworth, Kaapstad
- Sat Chit Anand-Boeddhistesentrum, Plettenbergbaai
- Home of Contemporary Zen in South Africa, Wes-Kaap
- Tushita Kadampa-Boeddhistesentrum, Kaapstad
- Houtbaaise Theravada-Boeddhistesentrum, Kaapstad Geargiveer 8 Maart 2007 op Wayback Machine
- Shambalaopleidingsentrum, Kaapstad
- Bodhi Khaya-sentrum, Gansbaai
- Vipassana-vereniging van Suid-Afrika, Worcester
KwaZulu-Natal
wysig- Dharmagiri-Boeddhistehermitage, KwaZulu-Natal
- Buddhist-sentrum, Ixopo
- Maitreya Kadampa-Boeddhistesentrum, Durban
- Mahasiddha Kadampa-Boeddhistesentrum, Durban
Gauteng
wysig- Diamond Way-Boeddhistesentrum, Johannesburg Geargiveer 3 April 2015 op Wayback Machine
- Nan Hua-klooster, Bronkhorstspruit
- Johannesburgse Meditasiesentrum Geargiveer 29 November 2020 op Wayback Machine
- Lam Rim-Boeddhistetempel, Johannesburg Geargiveer 13 Maart 2007 op Wayback Machine
- Vajrapani Kadampa-Boeddhistesentrum, Johannesburg
- Shantikula-Boeddhistesentrum, Johannesburg Geargiveer 28 September 2007 op Wayback Machine
Landwye sentrums
wysigVerwysings
wysig- ↑ Spuler, Michelle; Barker, Michelle (2003). "Australian Buddhism in Context". Developments in Australian Buddhism: Facets of the Diamond. Psychology Press. p. 11. Besoek op 17 April 2015.
- ↑ "Global Religious Landscape - Religious Composition by Country" (in Engels). The Pew Forum. Geargiveer vanaf die oorspronklike op 16 November 2013. Besoek op 28 Julie 2013.
- ↑ "Religious Adherents, 2010 – South Africa" (in Engels). World Christian Database. Geargiveer vanaf die oorspronklike op 30 September 2019. Besoek op 28 Julie 2013.
- ↑ http://news24.com/news24/SouthAfrica/News/SA-Nobel-Peace-summit-cancelled-reports-20141001
- ↑ http://www.theguardian.com/world/2014/oct/02/nobel-peace-summit-south-africa-dalai-lama-visa
- ↑ http://thediplomat.com/2014/09/south-africa-prevents-dalai-lama-from-attending-nobel-peace-summit/
Hierdie artikel is vertaal uit die Engelse Wikipedia
Verdere leesstof
wysig- Clasquin, Michel (2002): "Buddhism in South Africa" in: Charles S. Prebish / Martin Baumann (reds.)(2002): Westward dharma: Buddhism beyond Asia. Berkeley, Calif.: Univ. of California Press, pp. 152–162
- Clasquin, Michel / Krüger, Jacobus S. (reds.) (1999): Buddhism and Africa. Pretoria: Universiteit van Suid-Afrika.
- Krüger, Jacobus S.: Along Edges: Religion in South Africa - Bushman, Christian, Buddhist.
- Osler, Antony: Stoep Zen: A Zen Life in South Africa.