Aap (astrologie)

Die Aap (Chinees: 猴, hóu) is die negende dier in die twaalfjaarlikse siklus van die Chinese astrologie, volgens die Chinese kalender. Dit hou ook verband met Oos-Asiatiese diereriem- en kalenderstelsels. Die Jaar van die Aap word verbind met die Aardse taksimbool 申.[1]

Beskrywing wysig

Volgens een legende is daar ’n rede vir die volgorde van die twaalf diere in die twaalfjaarsiklus. Daarvolgens is ’n resies oor ’n groot rivier gehou en die volgorde van die diere in die siklus is die volgorde waarin hulle die resies voltooi het. In dié verhaal het die Bok, Aap en Haan deur ’n spanpoging anderkant aangekom. Die Haan het ’n vlot gevind en die Aap en Bok het geruk en gepluk om al die onkruid uit die weg te ruim. Hulle het die agtste, negende en tiende plek verower.

Die Chinese tekens word ook die diereriem genoem omdat geglo word ’n mens se persoonlikheid word deur die dier beïnvloed wat oor jou geboortedatum heers. Net so word die jaar waaroor ’n spesifieke dier heers, daardeur gekenmerk. Die invloed is veral sterk by mense wat in die jaar van die dier gebore is.

Dieselfde twaalf diere word gebruik om die siklus van ure in ’n dag te simboliseer – elk word verbind met ’n tydperk van twee uur. Die tydperk van die Aap is van 15:00 tot 17:00 – die tyd wanneer ape lewendig is.

In Chinese simbologie word Ape beskou as entoesiasties, sosiaal en innoverend, maar ook jaloers, agterdogtig en selfsugtig.

Jare en die Vyf Elemente wysig

Mense wat binne dié datums gebore is, is in die Jaar van die Aap gebore, met ook die volgende elementêre teken:[2]

Begindatum Einddatum Hemelse tak
6 Februarie 1932 25 Januarie 1933 Wateraap
25 Januarie 1944 12 Februarie 1945 Houtaap
12 Februarie 1956 30 Januarie 1957 Vuuraap
30 Januarie 1968 16 Februarie 1969 Aardaap
16 Februarie 1980 4 Februarie 1981 Metaalaap
4 Februarie 1992 22 Januarie 1993 Wateraap
22 Januarie 2004 8 Februarie 2005 Houtaap
8 Februarie 2016 27 Januarie 2017 Vuuraap
26 Januarie 2028 12 Februarie 2029 Aardaap
12 Februarie 2040 31 Januarie 2041 Metaalaap

Ape en hul maats wysig

Teken Beste maats Gemiddelde maats Slegte maats
Aap Aap, Draak, Rot Slang, Haan, Os, Vark, Konyn, Bok, Hond, Perd Tier

Basiese astrologiese elemente wysig

Aardse tak van geboortejaar Shen
Die Vyf Elemente Water
Jin/jang Jang
Maanmaand 7de
Gelukkige nommers 3, 4, 7, 9; vermy: 2, 5, 8
Gelukkige blomme Krisant
Gelukkige kleure Wit, goud, blou; vermy: rooi, swart, grys
Seisoen Herfs
Naaste Westerse teken Leeu

Sien ook wysig

Verwysings wysig

  1. "Chinese Zodiac - Monkey". Travel China Guide (in Engels). TravelChinaGuide.com. Geargiveer vanaf die oorspronklike op 24 April 2020. Besoek op 25 Augustus 2018.
  2. "Chinese Zodiac – Monkey" (in Engels). Your Chinese Astrology. Geargiveer vanaf die oorspronklike op 28 Februarie 2020. Besoek op 25 Augustus 2018.

Eksterne skakels wysig

Vorige teken
Bok (未)
Aap (申) Volgende teken
Haan (酉)