Mars (mitologie)
Mars was in die Romeinse mitologie die god van die oorlog. Hy was die seun van Jupiter en Juno. Hy word met wolwe en spegte verbind asook met die eerste maand van die Romeinse kalender wat Martius genoem word. Later is hy aan die Griekse god Ares gelykgestel.
| Mars | |
|---|---|
| Romeinse god | |
 Die god Mars. (York 4de eeu n.C.)
| |
| Naam | Mars |
| God van | oorlog, vernietiging en manlikheid; Pater van die Romeinse volk; bewaker van soldate en boere |
| Vrou | Nerio en ander soos Rhea Silvia, Venus, Bellona |
| Ouers | Jupiter en Juno |
| Broers, susters | Vulkaan, Minerva, Herkules, Bellona |
| Griekse eweknie | Ares |
| Simbool | Die spies van Mars ♂ (spies en skild ikonografie) |
In een van mites oor hom verkrag hy 'n Vestaalse Maagd Rhea Silvia terwyl sy slaap. Sy het gedroom dat 'n haarpen op die grond geval het en dat twee boompies daar begin groei het wat so groot geword het hulle die hele wêreld oorskadu het. Sy het die moeder van Romulus en Remus geword, die stad Rome se twee legendariese stigters.[1]
Die kultus van Mars was veral vir die Romeinse soldate belangrik. Legioene wat 'n veldtog begin doen dit vanaf die godheid se tempel en militêre diens in die leër word gesien as deel van die kultus. In die keisertyd word Mars Ultor – die wreker – die god wat die Caesars (keisers) behoed en wreek.[2]
Verwysings
wysig- ↑ "Ancient History encyclopedia" (in Engels). Geargiveer vanaf die oorspronklike op 28 Maart 2020.
- ↑ "unrv.com" (in Engels). Geargiveer vanaf die oorspronklike op 7 November 2019.
Eksterne skakels
wysig
Wikimedia Commons het meer media in die kategorie Mars (mitologie).
