Mediterreense woud, bos- en struikveld
Die mediterreense woud, bos- en struikveld is een van die 14 biome waarin die WWF die aarde se landoppervlakte indeel. In die WWF se indeling is dit bioom 12.
![](http://upload.wikimedia.org/wikipedia/commons/thumb/4/46/Biome_map_12.svg/220px-Biome_map_12.svg.png)
Die mediterrense bioom word veral deur winterreëns en droë somers gekenmerk. Die temperature is taamlik gematig. Dit sal selde vries. Daar is vyf gebiede waar dit bioom aangetref word:
- Die Kaapgebied van Suid-Afrika
- 'n Deel van Chili
- Kalifornië
- Die suidweste en die suidooste van Australië
- Die gebied rond die Middellandse See.
Geofiete is 'n kenmerkende soort plante aan hierdie bioom. In Suid-Afrika word dit verteenwoordig deur fynbos en renosterveld. Daar is drie ekostreke van bioom 12 in Suid-Afrika: kusfynbos en -renosterveld, bergfynbos en -renosterveld en die Albanie-ruigte.