Meliskerk
Die SS Meliskerk was 'n Nederlandse vragskip wat tydens die Tweede Wêreldoorlog aan die kus van Pondoland (Transkei, Oos-Kaap) vergaan het.
Hierdie skip van 6 045 ton is in 1919 in Hamburg gebou en was eers bekend as die DADG 76 en daarna as die Cesario. Sedert 1921 was dit die eiendom van die Vereenigde Nederlandsche Stoomvaartmaatschappij se Holland Afrika Lijn. In Januarie 1943 was die skip onder kapt. B. Brouwer met 'n vrag van 11 000 ton oorlogsmateriaal bestaande o.a. uit ammunisie, tenks en drie vliegtuie, onderweg. Om Duitse duikbote te ontwyk, vaar die skip naby die kus en loop vroeg in Januarie 1943 noordoos van Port St. Johns, tussen die mondings van die Mzimvuburivier en die Mzintlavarivier, op die rotse. Die bergingspan onder leiding van kapt. Deric van Delden het daarin geslaag om slegs 500 ton van die vrag te red. Een dag net die dag se werksure het die skip weens die rowwe seetoestande ontplof. Duikers besoek die wrak weens die besondere seelewe. Teenswoordig lê dit 10 tot 15 m diep onder die see, ideaal vir duik.
Bibliografie
wysig- Turner, Malcolm: Shipwrecks and salvage in South Africa – 1505 to the present. Kaapstad: Struik, 1988. ISBN 0-86977-387-9
- www.wrecksite.eu