Mercury-Atlas 2
Mercury-Atlas 2 (MA-2) was 'n onbemande toetsvlug wat deel was van die Mercury-program en die Atlas LV-3B vuurpyl gebruik het vir die sending. Die ruimtetuig is op 21 Februarie 1961 vanaf Kaap Canaveral, Florida gelanseer. [1]
Die doelwit van die vlug was om die Mercurykapsule te toets wanneer dit die atmosfeer binnedring onder temperatuurkritiese- aborteerkondisies. Die vervaardiger, Convair, het belowe dat hulle Atlas-vuurpyle voortaan dikker bedekking sal hê, tog was missiel 67D die laaste van die dun bedekking vuurpyle en moes dus aangepas word vir die Mercury sending. Hulle het 'n vlekvrye staalband om die vuurpyl geplaas tussen stasies 502 en 510, daar was ook 'n dun laag asbes tussen die vlekvrye staal en die romp van die vuurpyl geplaas. Dit was gedoen om soortgelyke voorvalle te verhoed wat met die Mercury-Atlas 1-vlug ondervind is. Die vuurpyl se baan is ook aangepas en was ietwat platter as dié van Mercury-Atlas 1; dit het die aërodinamiese kragte wat op die vuurpyl inwerk verminder.
Die vuurpyl is op 'n helder, sonskyndag in Februarie gelanseer, in teenstelling met die lansering van Mercury-Atlas 1. Almal het gespanne gewag vir die vuurpyl om die kritiese Maks Q sone verby te steek. Toe dit gebeur, was daar groot blydskap in die beheerkamer. Mercury-Atlas 2 het sy sub-orbitale vlug suksesvol voltooi gedurende 'n vlug wat 17 minute en 56 sekondes geduur het. Dit het 'n hoogte van 183 km bereik en 'n snelheid van 21 287 km/h behaal. Al die sending doelwitte was bereik. Die enigste probleem ondervind was met brandstof beweging in die tenks. Die kapsule was geberg 2305 km vanaf die lanseerplatform. Die grootste versnelling wat bereik is, was 15.9 g (156 m/s²) en die massa van die kapsule was 1 154 kg.
Mercurykapsule met reeks nommer #6 en Atlas #67-D is gebruik vir die Mercury-Atlas 2-sending. Die kapsule word tans vertoon in die Houston Museum vir Natuur Wetenskap in Houston. [2]
Verwysings
wysig- ↑ Loyd S. Swenson Jr., James M. Grimwood, Charles C. Alexander (1966). "10". This New Ocean: A History of Project Mercury - NASA SP-4201. NASA Special Publication-4201 in the NASA History Series. p. 4. Geargiveer vanaf die oorspronklike op 23 Augustus 2007. Besoek op 26 Junie 2013.
{{cite book}}: AS1-onderhoud: gebruik authors-parameter (link) - ↑ "Mercury spacecraft #6 display page on A Field Guide to American Spacecraft website". Geargiveer vanaf die oorspronklike op 5 Julie 2010.
| Hierdie artikel is in sy geheel of gedeeltelik vanuit die Engelse Wikipedia vertaal. |
