Meyerbrug
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Meyerbrug (oorspronklik Meijerbrug) oorspan die Klein Olifantsrivier by Middelburg, Mpumalanga.
Die brug van gekapte klip is op die pad na Stoffberg, Roossenekal en Steelpoort. Op 16 Oktober 1895 het die Uitvoerende Raad van die Zuid-Afrikaansche Republiek met hul besluit nr. 698 toestemming gegee vir die bou van die brug en in 1896 het die Italiaanse bou-aannemer Celso Giri die projek uitgevoer. Weens die homogene sandsteenkleur van die klip was dit destyds een van die mooiste boogbrûe in Suider-Afrika. Alhoewel die brug in ‘n goeie toestand is, voldoen dit reeds al jare lank nie meer aan die moderne verkeersvereistes nie en is ‘n moderne brug langsaan gebou.
Dit is genoem na Isaac Johannes Meijer, die lid vir Middelburg in die Tweede Voksraad van die ZAR.
‘n Buitengewone pad- en brugbouprojek is tussen 1887 en 1898 onder leiding van Sytze Wierda in die ZAR onderneem. 21 groot padbrûe is in die periode ontwerp en gebou om die kontak tussen Pretoria en die platteland te verbeter.
Die Meyerbrug is in 1968 tot monument verklaar.
Bibliografie
wysig- Oberholster, J.J.: Die Historiese Monumente van Suid-Afrika. Kaapstad: Die Kultuurstigting Rembrandt van Rijn op versoek van die Raad vir Nasionale Gedenkwaardighede, 1972. ISBN 0-620-00191-7