Michael Bagraim
Michael Bagraim (gebore 9 Oktober 1956) is 'n Suid-Afrikaanse politikus en prokureur. Sedert Mei 2014 dien hy as lid van die Nasionale Vergadering van Suid-Afrika vir die Demokratiese Alliansie. Hy dien ook sedert Mei 2019 as die skaduminister van arbeid en indiensneming. Hy was vanaf Junie 2014 tot Junie 2017 die adjunk-skaduminister van arbeid en daarna vanaf Junie 2017 tot Junie 2019 die skaduminister van arbeid.
| Michael Bagraim | |
 Bagraim word ingehuldig in Mei 2019 | |
Adjunk-Skaduminister van Arbeid en Indiensneming
| |
| Ampsbekleër | |
| Termynaanvang 5 Junie 2019 | |
| Leier | Mmusi Maimane John Steenhuisen |
|---|---|
Skaduminister van Arbeid
| |
| Ampstermyn 1 Junie 2017 – 5 Junie 2019 | |
| Vise | Derrick America |
| Leier | Mmusi Maimane |
| Voorafgegaan deur | Ian Ollis |
Adjunk-skaduminister van Arbeid
| |
| Ampstermyn 5 Junie 2014 – 1 Junie 2017 | |
| Voorafgegaan deur | Haniff Hoosen |
| Opgevolg deur | Derrick America |
Lid van die Nasionale Vergadering van Suid-Afrika
| |
| Ampsbekleër | |
| Termynaanvang 21 Mei 2014 | |
Persoonlike besonderhede
| |
| Gebore | 9 Oktober 1956 Kaapstad, Kaapprovinsie, Unie van Suid-Afrika |
| Politieke party | Demokratiese Alliansie |
| Alma mater | Rhodes-universiteit |
| Religie | Judaïsme |
Biografie wysig
Bagraim is in 1956 aan 'n Joodse familie in Kaapstad gebore.[1] Hy het aan die Hoërskool Kaapstad gematrikuleer voordat hy verder aan die Rhodes-universiteit gaan studeer het waar hy met 'n BA-graad in politieke wetenskap en 'n LLB-graad gegradueer het.[2] Bagraim het op die universiteit se studenteraad gedien en Rhodes Universiteit op die Debatsvereniging en Regstudentevereniging verteenwoordig.[3]
In 1982 is Bagraim as 'n advokaat toegelaat.[2] Hy is vier jaar later as prokureur toegelaat. Daarna het hy Michael Bagraim & Associates gestig en as 'n konsultant gewerk.[2] Bagraim is trustee van die Kaapse Kamer van Koophandel en Nywerhede, die Suid-Afrikaanse Joodse Raad van Afgevaardigdes en die MOSAIC – Training, Service and Healing Centre for Women.[3]
Politieke loopbaan wysig
Bagraim het in die 2014 nasionale verkiesing as 'n parlementêre kandidaat van die Demokratiese Alliansie uit die Wes-Kaap gestaan, en is tot die Nasionale Vergadering verkies. Bagraim is op 21 Mei 2014 ingesweer.[4]
Op 5 Junie 2014 het die DA-parlementêre leier, Mmusi Maimane, Bagraim as Shadow Adjunkminister van Arbeid aangestel.[5] Later daardie maand het hy 'n lid van die Portefeuljekomitee oor Arbeid geword.[3]
Op 1 Junie 2017 is hy as skaduminister van arbeid aangestel.[6][7] Bagraim is in die algemene verkiesing van 8 Mei 2019 tot die parlement herverkies.[8] Kort daarna is hy deur Maimane as skadu-adjunkminister van arbeid en indiensneming aangestel.[9]
Maimane het in Oktober 2019 as DA-leier bedank en John Steenhuisen is daarna verkies om hom as waarnemende leier op te volg. Hy het Maimane se skadukabinet tydelik behou.[10]
Bagraim het in Mei 2020 gesê dat Suid-Afrika se arbeidswetgewing herontwerp moet word, omdat die arbeidswette "niks gedoen het om werkskepping te bevorder nie".[11] Hy het in September 2020 in 'n opiniestuk aangevoer dat die Werklose Versekeringsfonds die Suid-Afrikaanse arbeidsmag tydens die COVID-19-pandemie in die steek gelaat het.[12]
Nadat Steenhuisen in November 2020 as DA-leier vir 'n volle termyn verkies is, het hy sy skadukabinet in Desember 2020 aangekondig. Bagraim is as skadu-adjunkminister van arbeid en indiensneming heraangestel.[13]
In die 2020-register van ledebelange het Bagraim bekend gemaak dat hy 'n direkteur van 'n arbeidsregkonsultasiefirma was.[14]
Verwysings wysig
- ↑ "Two Jewish MPs talk on their roles in Parliament". sajr.co.za. 13 Augustus 2014. Besoek op 29 Januarie 2021.
- ↑ 2,0 2,1 2,2 "Michael Bagraim". bagraimsattorneys.co.za. Besoek op 29 Januarie 2021.
- ↑ 3,0 3,1 3,2 "Mr Michael Bagraim". People's Assembly. Besoek op 29 Januarie 2021.
- ↑ "2014 elections: List of DA MPs elected to the National Assembly". Politicsweb. Besoek op 29 Januarie 2021.
- ↑ Maimane, Mmusi (5 Junie 2014). "The DA's shadow cabinet - Mmusi Maimane". Politicsweb. Besoek op 29 Januarie 2021.
- ↑ Ferreira, Emise (1 Junie 2017). "DA makes key changes to shadow Cabinet". Independent Online. Besoek op 29 Januarie 2021.
- ↑ Davis, Gaye (1 Junie 2017). "DA's Mmusi Maimane reshuffles shadow Cabinet". Eyewitness News. Besoek op 29 Januarie 2021.
- ↑ "SEE: These are the people who will represent you in Parliament, provincial legislatures". News24. 15 Mei 2019. Besoek op 29 Januarie 2021.
- ↑ Gerber, Jan (5 Junie 2019). "Here's the DA's 'shadow cabinet'". News24. Besoek op 29 Januarie 2021.
- ↑ De Klerk, Aphiwe (17 November 2019). "John Steenhuisen elected DA interim leader". TimesLIVE. Besoek op 29 Januarie 2021.
- ↑ Bagraim, Michael (26 Mei 2020). "SA's labour legislation needs re-engineering". IOL. Besoek op 29 Januarie 2021.
- ↑ Bagraim, Michael (10 September 2020). "The UIF has failed the SA workforce". IOL. Besoek op 29 Januarie 2021.
- ↑ Mazzone, Natasha (5 Desember 2020). "DA announces new Shadow Cabinet that will bring Real Hope and Real Change". Democratic Alliance. Besoek op 29 Januarie 2021.
- ↑ "MPs moonlighting, getting money from churches, and even free mall parking. Find out what else they have declared". www.iol.co.za (in Engels). Besoek op 19 Maart 2022.
Eksterne skakels wysig
| Hierdie artikel is in sy geheel of gedeeltelik vanuit die Engelse Wikipedia vertaal. |
