Michael Fassbender
Michael Fassbender (geb. 2 April 1977 in Heidelberg, Duitsland) is ’n Iers-Duitse akteur. Van sy beste rolle sluit in lt. Archie Hicox in Inglourious Basterds (2009), Magneto in die superheldfliek X-Men: First Class (2011), David in die wetenskapsfiksieprent Prometheus (2012) en die slawe-eienaar Edwin Epps in 12 Years a Slave (2013). Laasgenoemde is ’n historiese drama waarvoor hy in 2014 ’n Oscar-benoeming ontvang het vir beste manlike byspeler. Fassbender het in 2014 sy rol as Magneto hervat in X-Men: Days of Future Past en sal in 2015 werk aan Assassin's Creed.
| Michael Fassbender | |
| |
Fassbender in 2013 op die San Diego Comic-Con International.
| |
| Geboorte | 2 April 1977 Heidelberg, Duitsland |
|---|---|
| Nasionaliteit | Iers-Duits |
| Beroep(e) | Akteur |
| Aktiewe jare | 2001 – hede |
| Internet-rolprentdatabasis-profiel | |
Fassbender het ook gespeel in 300 (2007), Fish Tank (2009), Jane Eyre (2011), A Dangerous Method (2011), Hunger (2008) Shame (2011). Vir sy rol in Shame het hy in 2011 die Volpi-beker gewen as beste akteur op die Venesiese Rolprentfees en is hy benoem vir ’n Golden Globe en ’n Bafta.
Vroeë lewe
wysig_(cropped).jpg)
Fassbender is gebore in Heidelberg, Baden-Württemberg, Duitsland. Sy pa, Josef, was Duits en sy ma, Adele, van Larne in Noord-Ierland.[1][2] Toe hy twee jaar oud was, het sy ouers na Killarney in die Republiek van Ierland getrek, waar hulle ’n restaurant bedryf het.[1][2]
Fassbender en sy ouer suster, Catherine, het somervakansies in Duitsland deurgebring en hy praat Duits vlot.[3] Hy was 17 jaar oud toe hy besef hy wil akteur word nadat hy in ’n toneelstuk deur Donie Courtney gespeel het. Op 19 het hy na Londen getrek waar hy vir ’n ruk aan die Drama Centre London studeer het. Hy het die sentrum verlaat en saam met die Oxford Stage Company gereis met die toneelstuk Three Sisters.[4]
Loopbaan
wysigVroeë werk
wysigFassbender het eers die rol van Burton "Pat" Christenson vertolk in Tom Hanks en Steven Spielberg se bekroonde TV-minireeks Band of Brothers.[5] Hy het ook in in albei reekse van Hex gespeel.
in 2003 het hy in ’n radioreeks van Dracula gespeel en in 2006 was hy tydens die Edinburg-fees in Allegiance, ’n toneelstuk deur Mary Kenny.[6] Daarby was hy die vervaardiger, regisseur en ’n akteur van die verhoogweergawe van Quentin Tarantino se Reservoir Dogs.[5]
In 2007 het hy in die rolprent Angel gespeel (Britse titel: The Real Life of Angel Deverell), oor die lewe van ’n eksentrieke jong skrywer. Hy het daarna ’n klein rol gehad in Wedding Belles, waarin hy met ’n Skotse aksent praat.
Sukses
wysigIn 2006 het Fassbender die rol van ’n jong Startaanse vegter gespeel in die rolprent 300, ’n fantasie-aksiedrama onder regie van Zack Snyder. Die prent was ’n kommersiële sukses.[7]
As voorbereiding vir sy rol as ’n Ierse gevangene in die regisseur Steve McQueen se 2008-rolprent Hunger, het Fassbender op ’n kitsdieet gegaan van net 600 kalorieë per dag. Hy het ’n British Independent Film Award vir sy spel gewen.[8]
’n Jaar ná dié suksesvolle prent het hy in Quentin Tarantino se Inglourious Basterds en in Andrea Arnold se Fish Tank gespeel. Albei prente, sowel as sy toneelspel, het lof gekry. In 2010 het Fassbender in Jonah Hex, ’n western, verskyn.[9] Hy het ook in die oorlogsriller Centurion[10] en in Joel Schumacher se Blood Creek gespeel.
In die 2011-prent Jane Eyre het hy die rol van Edward Rochester vertolk.[11]
Fassbender het Magneto gespeel in die superheld-sukses X-Men: First Class en dit het hom ’n gewilde ster gemaak. In 2011 het hy in A Dangerous Method van die regisseur David Cronenberg die rol van die Switserse psigiater Carl Jung vertolk. Die première was op die Venesiaanse Rolprentfees van 2011. Hy was ook ’n man in sy dertigs wat ’n stryd voer teen seksuele verslawing in Shame, wat op dieselfde fees sy première gehad het. Daarvoor het hy ’n Volpi-beker gewen vir beste akteur.[12] Fassbender was ’n ernstige aanspraakmaker op ’n Oscar vir dié rol, maar is nie benoem nie. Volgens verskeie bronne het sy naaktonele van voor en sy uitbeelding van sekssituasies kiesers geïnspireer "om te fantaseer en nie te stem nie".[13][14] Fassbender het lof ontvang vir sy spel en is benoem vir ’n Golden Globe en Bafta.
In 2012 het hy verskyn in Haywire, ’n aksieriller,[9] en in die wetenskapsfiksieprent Prometheus. Hy het in 2013 die titelrol gespeel in The Counselor, met Ridley Scott as regisseur.[15][16] In dieselfde jaar het hy in 12 Years a Slave gespeel, wat sy derde prent onder regie van die regisseur Steve McQueen was. Vir sy uitbeelding van Edwin Epps is hy in 2014 vir ’n Oscar vir beste manlike byspeler benoem.[17][18]
Persoonlike lewe
wysigFassbender woon die afgelope 17 jaar in Londen. Hy speel in Britse en Amerikaanse rolprente en besoek Los Angeles in Kalifornië dus gereeld. Hy praat Duits en het al gesê hy sou graag in ’n Duitse prent of toneelstuk wou speel.[19]
Hy is ook ’n groot aanhanger van Formule 1 en veral Michael Schumacher.[20]
Filmografie
wysig
Rolprente
wysig| Jaar | Titel | Rol | Notas |
|---|---|---|---|
| 2007 | 300 | Stelios | |
| 2007 | Angel | Esmé Howe-Nevinson | |
| 2008 | Hunger | Bobby Sands | |
| 2008 | Eden Lake | Steve | |
| 2009 | Blood Creek | Richard Wirth | |
| 2009 | Fish Tank | Connor | |
| 2009 | Inglourious Basterds | Lt. Archie Hicox | |
| 2010 | Centurion | Quintus Dias | |
| 2010 | Jonah Hex | Burke | |
| 2011 | Jane Eyre | Edward Rochester | |
| 2011 | X-Men: First Class | Magneto | |
| 2011 | A Dangerous Method | Carl Gustav Jung | |
| 2011 | Shame | Brandon Sullivan | |
| 2012 | Haywire | Paul | |
| 2012 | Prometheus | David | |
| 2013 | 12 Years a Slave | Edwin Epps | |
| 2013 | The Counselor | Counselor | |
| 2014 | 1: Life on the Limit | Verteller | Dokumentêr |
| 2014 | Frank | Frank | |
| 2014 | Untitled Terrence Malick Project | ||
| 2014 | X-Men: Days of Future Past | Magneto | |
| 2014 | Slow West | Silas | |
| 2014 | Macbeth | Macbeth | |
| 2015 | Steve Jobs | Steve Jobs | |
| 2016 | X-Men: Apocalypse | Erik Lehnsherr / Magneto | |
| 2016 | The Light Between Oceans | Tom Sherbourne | |
| 2016 | Assassin's Creed | Callum Lynch / Aguilar | |
| 2017 | The Snowman | Harry Hole |
Televisie
wysig| Jaar | Titel | Rol | Notas |
|---|---|---|---|
| 2001 | Band of Brothers | Burton 'Pat' Christenson | Minireeks |
| Hearts and Bones | Hermann | 3 episodes | |
| 2002 | NCS: Manhunt | Jack Silver | |
| Holby City | Christian Connolly | 1 episode | |
| 2003 | Carla | Rob | |
| 2004 | Winnipeg the Bear | Harry Colebourn | |
| Gunpowder, Treason & Plot | Guy Fawkes | ||
| Julian Fellowes Investigates: A Most Mysterious Murder | Charles Bravo | ||
| Sherlock Holmes and the Case of the Silk Stocking | Charles Allen | ||
| 2004–2005 | Hex | Azazeal | 12 episodes |
| 2005 | Murphy's Law | Caz Miller | 5 episodes |
| Our Hidden Lives | Duitse gevangene | ||
| William and Mary | Lukasz | 1 episode | |
| 2006 | Poirot: After the Funeral | George Abernethie | 1 episode |
| Trial & Retribution: Sins of the Father | Douglas Nesbitt | ||
| 2007 | Wedding Belles | Barney | |
| 2008 | The Devil's Whore | Thomas Rainsborough | Minireeks |
Verwysings
wysig- ↑ 1,0 1,1 Garratt, Sheryl (18 Oktober 2008). "Michael Fassbender on Playing Bobby Sands in Hunger". The Daily Telegraph (in Engels). Geargiveer vanaf die oorspronklike op 6 Junie 2019.
- ↑ 2,0 2,1 "Blood, Sweat, Tears". The Irish Times (in Engels). 5 April 2008. Geargiveer vanaf die oorspronklike op 23 Oktober 2012. Besoek op 4 Junie 2011.
- ↑ Day, Elizabeth (20 Mei 2012). "Michael Fassbender: the man to take on Brando's mantle". The Guardian (in Engels). Geargiveer vanaf die oorspronklike op 14 Desember 2018. Besoek op 26 Desember 2013.
- ↑ McClintock, Pamela (18 Januarie 2012). "Fassbender on Fire". The Hollywood Reporter (in Engels). Geargiveer vanaf die oorspronklike op 10 Januarie 2015. Besoek op 26 Desember 2013.
- ↑ 5,0 5,1 "Michael Fassbender- Biography". Yahoo! Movies (in Engels). Geargiveer vanaf die oorspronklike op 14 Maart 2016. Besoek op 10 Oktober 2012.
- ↑ O'Doherty, Cahir (16 Februarie 2011). "Michael Fassbender Is Officially a Hollywood Leading Man" (in Engels). IrishCentral. Geargiveer vanaf die oorspronklike op 29 November 2013. Besoek op 16 Februarie 2011.
- ↑ "All-Time USA Box office" (in Engels). IMDb. 7 Maart 2012. Geargiveer vanaf die oorspronklike op 5 November 2015. Besoek op 9 Maart 2012.
- ↑ "2008 Winners at British Independent Film Awards" (in Engels). Bifa.org.uk. 16 Junie 2011. Geargiveer vanaf die oorspronklike op 23 September 2015. Besoek op 23 Junie 2011.
- ↑ 9,0 9,1 "Knockout has begun filming in Dublin | Life of a Married Man". Alesrybarik.com. 16 Februarie 2010. Geargiveer vanaf die oorspronklike op 20 Maart 2012. Besoek op 20 Junie 2012.
- ↑ "Get Ready To Jump in New 'Centurion' Clip" (in Engels). Bloody-disgusting.com. Geargiveer vanaf die oorspronklike op 25 Januarie 2018. Besoek op 23 Junie 2011.
- ↑ Bartyzel, Monika (9 Februarie 2010). "Casting Bites: From Weisz's 'Dream' to Wasikowska's 'Eyre' – The Moviefone Blog" (in Engels). Cinematical.com. Geargiveer vanaf die oorspronklike op 26 Junie 2010. Besoek op 23 Junie 2011.
- ↑ Nikkhah, Roya (10 September 2011). "Michael Fassbender Wins Best actor at Venice for Sex-Addict role". The Daily Telegraph (in Engels). Geargiveer vanaf die oorspronklike op 2 Desember 2019. Besoek op 11 September 2011.
- ↑ "Oscars 2012: Did Michael Fassbender's Big Part Cost Him a Nom?". Los Angeles Times (in Engels). 25 Januarie 2012. Geargiveer vanaf die oorspronklike op 22 November 2019. Besoek op 7 Februarie 2012.
- ↑ "Michael Fassbender's Penis Caused Oscar Snub?". The Huffington Post. 26 Januarie 2012. Besoek op 7 Februarie 2012.
- ↑ Fleming, Mike. "TOLDJA! Michael Fassbender Commits To Ridley Scott-Directed 'The Counselor'" (in Engels). Deadline.com. Geargiveer vanaf die oorspronklike op 23 Oktober 2013. Besoek op 20 Junie 2012.
- ↑ Sneider, Jeff (4 September 2012). "Fassbender, Gleeson set for 'Frank'". Variety (in Engels). Geargiveer vanaf die oorspronklike op 6 September 2012. Besoek op 4 September 2012.
- ↑ "Edwin Epps (Character)" (in Engels). imdb. Geargiveer vanaf die oorspronklike op 12 Mei 2017. Besoek op 15 Julie 2013.
- ↑ "12 Years a Slave (2013)" (in Engels). imdb. Geargiveer vanaf die oorspronklike op 18 Mei 2020. Besoek op 15 Julie 2013.
- ↑ "A Michael Fassbender Fan Blog: June 2010" (in Engels). Fassinatingfassbender.com. 4 Junie 2010. Geargiveer vanaf die oorspronklike op 3 Februarie 2019. Besoek op 20 Junie 2012.
- ↑ "Speedy star Michael Fassbender Shames The Stig on Top Gear". The Sun (in Engels). 20 Februarie 2012. Geargiveer vanaf die oorspronklike op 16 Januarie 2016. Besoek op 5 Januarie 2013.
Eksterne skakels
wysig- Michael Fassbender Online
- Fassinating Fassbender
Wikimedia Commons het meer media in die kategorie Michael Fassbender.- Michael Fassbender in die Internet-rolprentdatabasis
