Michail Popkof
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Michail Wiktorowitsj Popkof (Russies: Михаи́л Ви́кторович Попко́в; gebore 7 Maart 1964) is ’n Russiese reeksmoordenaar en verkragter wat tussen 1992 en 2010 minstens 78 vroue in Angarsk, Irkoetsk en Wladiwostok in Siberië seksueel aangerand en vermoor het. Hy is bekend as Die Weerwolf en die Die Angarsk-maniak as gevolg van die wrede aard van sy misdade.
| Michail Popkof | ||
| Gebore | 7 Maart 1964 Angarsk, Sowjetunie | |
| Land | Rusland | |
| Bynaam | Die Weerwolf Die Angarsk-maniak | |
| Misdaad | Reeksmoord | |
| Misdaadbesonderhede | ||
| Plek | Irkoetsk-oblast Primorski-krai | |
| Datum(s) | 1992-2010/2012 | |
| Slagoffers | 78-83+[1] | |
| Vonnisbesonderhede | ||
| Aangekeer | 23 Junie 2012 | |
| Vonnisdatum | Januarie 2015 Desember 2018 | |
| Vonnis | 2 x lewenslange tronkstraf | |
Popkof was een van Rusland se ergste reeksmoordenaars en is in 2015 skuldig bevind aan 22 moorde. Hy het drie jaar later skuld aan nog 59 moorde beken. Hy is op 10 Desember 2018 skuldig bevind aan 56 van die 59 bykomende moorde. Vir drie moorde kon die polisie nie bewyse vind nie.[2] Popkof het daarvoor ’n tweede lewenslange tronkstraf gekry.[3] Daar was oproepe dat hy tereggestel word, maar dit is nie moontlik nie omdat die doodstraf in Rusland opgeskort is.[4]
Agtergrond
wysigPopkof is in Angarsk gebore. Min is bekend oor sy grootwordjare en persoonlike lewe, buiten dat hy getroud is met Jelena Popkowa en ’n dogter met die naam Jekaterina het. Hy het as ’n polisieman in die Irkoetsk-omgewing gewerk en teen die tyd dat hy in hegtenis geneem is, was hy ook al ’n sekuriteitswag by die Angarsk-oliemaatskappy sowel as by ’n privaat maatskappy.[5]
Popkof se misdade was gemotiveer deur die vermoede dat sy vrou owerspel gepleeg het.[6]
Moorde
wysigBenewens ’n polisieman was al Popkof se slagoffers vroue tussen 16 en 40 jaar oud.[7] Almal was prostitute of dranksugtige vroue – mense wat Popkof as immoreel beskou het.[6] Op verskillende tye tussen 1992 en 2010 het Popkof in sy polisie-uniform slagoffers in Angarsk, Irkoetsk en Wladiwostok – ’n afstand van 3 900 km – gelok met beloftes van ’n gratis rit en hulle dan seksueel aangerand.[6] Hy het vroue vermoor met instrumente wat messe, byle, bofbalkolwe en skroewedraaiers ingesluit het, en het hulle liggame so vermink dat Russiese media hom "Die Weerwolf" en die "Angarsk-maniak" gedoop het.[8][9]
Die Russiese polisie het na een skuldige gesoek omdat die vroue wie se liggame in die middel 1990's ontdek is, op dieselfde manier vermoor is. Ondanks uitgebreide ondervragings en die getuienis van oorlewende slagoffers, het Popkof die polisie twee dekades lank ontwyk.[6] Ondersoekers het egter ’n patroon gevind: Die spore van ’n viertrek-Lada, ’n veldvoertuig wat deur wetstoepassers gebruik is, is by talle misdaadtonele ontdek.[10] DNS-toetse op 3 500 huidige en voormalige polisiemanne in 2012 in Irkoetsk het tot Popkof se ingetenisneming in daardie selfde jaar gelei.
In Januarie 2015 is Popkof tot lewenslange tronkstraf gevonnis vir 22 moorde en twee pogings tot moord.[11]
Twee jaar later het Popkof skuld aan nog 59 moorde beken, wat neerkom op ’n getal wat dié van die Russiese reeksmoordenaars Andrei Tsjikatilo en Aleksander Pitsjoesjkin oorskry.[2][12] Op 10 Desember 2018, ná ’n verhoor in die streekhof van Irkoetsk, is Popkof skuldig bevind aan nog 56 moorde; die ander drie moorde kon nie bevestig word nie weens ’n gebrek aan bewyse. ’n Tweede lewenslange tronkstraf is aan hom opgelê.[13]
Verwysings
wysig- ↑ Russian serial killer convicted of 56 more murders, The Guardian
- ↑ 2,0 2,1 "'Werewolf' killer Mikhail Popkov convicted of 56 more murders". Sky News. 10 Desember 2018. Besoek op 10 Desember 2018.
- ↑ "Mikhail Popkov: Russian ex-cop jailed for 56 more murders". BBC News. 10 Desember 2018. Besoek op 10 Desember 2018.
- ↑ https://www.theguardian.com/world/2018/dec/10/russias-worst-serial-killer-jailed-for-life-mikhail-popkov
- ↑ Thomas, Emily (6 November 2013). "Ex-Policeman, Mikhail Popkov, Allegedly Confesses To Gruesome Murdering 24 Women In Siberia". The Huffington Post. Besoek op 18 Januarie 2018.
- ↑ 6,0 6,1 6,2 6,3 "'Werewolf' is worst-ever serial killer in former USSR as he is charged with killing 47 more women". Siberian Times. 11 Januarie 2017. Geargiveer vanaf die oorspronklike op 19 Januarie 2018. Besoek op 18 Januarie 2018.
- ↑ "Mikhail Popkov: Russian ex-cop jailed for 56 more murders". BBC. 10 Desember 2018. Besoek op 10 Desember 2018.
{{cite web}}: AS1-onderhoud: url-status (link) - ↑ "Ex-policeman nicknamed 'werewolf' confesses to murdering 24 women in Siberia". Siberian Times. 6 November 2013. Geargiveer vanaf die oorspronklike op 19 Januarie 2018. Besoek op 18 Januarie 2018.
- ↑ Rojas, Nicole (10 Januarie 2018). "'Werewolf' serial killer Mikhail Popkov heads to trial for 59 more murders". International Business Times. Geargiveer vanaf die oorspronklike op 19 Januarie 2018. Besoek op 18 Januarie 2018.
- ↑ Barbash, Fred (12 Januarie 2018). "'Werewolf' of Siberia ranked among worst serial killers ever after confessing to 81 victims, says Russian media". Washington Post. Geargiveer vanaf die oorspronklike op 19 Januarie 2018. Besoek op 18 Januarie 2018.
- ↑ "Russia's deadliest serial killer? Cop-turned-slasher faces 60 new murder charges, death toll at 82". RT. 27 Maart 2017. Geargiveer vanaf die oorspronklike op 19 Januarie 2018. Besoek op 18 Januarie 2018.
- ↑ "Mikhail Popkov, Russian ex-cop, on trial for 59 murders". BBC News. 10 Januarie 2018. Geargiveer vanaf die oorspronklike op 14 Januarie 2018. Besoek op 18 Januarie 2018.
- ↑ Rahim, Zamira (10 Desember 2018). "Mikhail Popkov: Russia's most prolific 'werewolf' serial killer found guilty of raping and murdering 56 women". The Independent. Besoek op 10 Desember 2018.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
