Mouillepunt
Mouillepunt is ’n welvarende voorstad in Kaapstad. Dit is geleë tussen die V&A Waterfront en Grangerbaai in die ooste, Groenpunt in die suide en die Atlantiese Oseaan in die noorde en weste. Die voorstad omsoom die kuslyn en bestaan hoofsaaklik uit hoë woonstelblokke.
Mouillepunt Mouille Point | |
|---|---|
Voorstad | |
 | |
  Mouillepunt | |
| Koördinate: 33°54′3″S 18°24′10″O / 33.90083°S 18.40278°O | |
| Land |  Suid-Afrika |
| Provinsie | Wes-Kaap |
| Metropolitaanse Munisipaliteit | Stad Kaapstad |
| Oppervlak | |
| • Totaal | 0,34 km2 (0,13 vk. myl) |
| Hoogte | 5 m (16 ft) |
| Bevolking | |
| • Totaal | 1 714 |
| Tydsone | UTC+2 (SAST) |
| Poskode | Busse: 8005 Strate: Geen |
| Skakelkodes | 021 |
Dit is ’n baie klein voorstad, met slegs twee groot strate, Kusweg en Bayweg. Dit is ook die tuiste van die Mouillepunt-promenade, ’n geplaveide promenade aan die kus wat daagliks deur duisende Kapenaars gebruik word. Daaragter lê die Groenpunt-meent, wat eers uit verskeie sportvelde bestaan het en nou ’n gholfbaan bevat. Die nuwe Groenpunt Stadspark & Biodiversiteitstuin is net agter Mouillepunt en het ’n ingang in Bayweg.
Volgens die 2011-sensus het Mouillepunt ’n bevolking van 1 714 gehad.[1]
Naam
wysigDie naam "Mouille" kom van die Franse woord vir ankerplek. In die vroeë 18de eeu het skepe dikwels in Tafelbaai gestrand en die destydse goewerneur het besluit ’n golfbreker (mouille in Frans) is nodig om die skepe wat voor anker lê te beskerm. Bouwerk het in 1743 begin. Alle boere wat goedere na die stad gebring het, moes ’n vrag stene oplaai en na Mouillepunt aanry, waar dit afgelaai is. Slawe en gevangenes is gebruik om die golfbreker te bou, maar ná drie jaar van rowwe waters was nog net 100 m voltooi en die projek is gestaak.
In 1781 het die Franse in die stad aangekom en ’n militêre battery naby die onvoltooide mouille opgerig met die naam Mouillepunt-battery.
Vuurtorings
wysig-
Die ou Mouillepunt-vuurtoring. -
Die huidige Groenpunt-vuurtoring.
Die Groenpunt-vuurtoring is in Mouillepunt geleë, maar desondanks het die vragskip SA Seafarer op 1 Julie 1966, tydens ’n woeste winterstorm, tussen Mouillepunt en Drieankerbaai op die rotse geloop. Almal aan boord is deur helikopters van die Lugmagbasis Ysterplaat gered.
Die Mouillepunt-vuurtoring bestaan nie meer nie. Die vuurtoring was aan die oostelike punt van die voorstad, naby Grangerbaai, geleë. ’n Nuwe vuurtoring kan volgens tradisie nie dieselfde naam as ’n oue hê nie en toe ’n nuwe vuurtoring in Mouillepunt opgerig word, is dit die Groenpunt-vuurtoring genoem. Dit is gebruik om die eerste vuurtoringwagters in Suid-Afrika op te lei en word vandag nog as 'n konferensiebestemming gebruik. Dit word ook uitverhuur vir huweliksonthale.[2]
Baie jare lank (omstreeks die 1960's) was daar oorkant die vuurtoring ’n inrypadkafee met die naam "The Doll's House", waarheen Kapenaars gegaan het vir iets te ete of te drinke, dikwels laat saans ná ’n fliek. Etes is op ’n skinkbord voorgesit wat aan die motordeur vasgeknip is.[3] Die kafee was bekend daarvoor dat seemeeue dikwels op die motors se dak gaan sit en kos van die skinkbord af gegaps het.[4]
Galery
wysig
|
Verwysings
wysig- ↑ Mouillepunt 2011-sensus
- ↑ Kap.event, http://www.capetown-wedding.com/lighthouse.html Geargiveer 17 Januarie 2007 op Wayback Machine Plek: Lighthouse, besoek op 21 Desember 2006
- ↑ "argiefkopie". Geargiveer vanaf die oorspronklike op 21 Oktober 2016. Besoek op 5 Januarie 2019.
- ↑ "argiefkopie". Geargiveer vanaf die oorspronklike op 22 Maart 2016. Besoek op 5 Januarie 2019.
Eksterne skakels
wysig- ’n Lugfoto van Mouillepunt en Seepunt (1959)
- ’n Foto van die wrak van die SA Seafarer
- ’n Foto van die Doll's House-padkafee
Hierdie artikel is vertaal uit die Engelse Wikipedia
