Mtentu-brug
Die Mtentu-brug in die historiese Pondoland is deel van die beoogde nuwe roete van die N2-hoofpad langs die Wildekus in die voormalige Transkei.
Hierdie brug oor die Mtenturivier is by 31° 10′ 43.3″ suid, 29° 55′ 43″ oos, by die nedersetting Lundini, die Mkambati-natuurreservaat en suidoos van Flagstaff. Dit gaan deel wees van die nuwe roete van die N2-pad tussen Gonubie (by Oos-Londen) tot by die Mtamvunarivier by Port Edward.
Na voltooiing sal die brug die hoogste brug in Afrika wees en een van die langste vrydraende brûe in die wêreld. Die brug sal 1 132 m lank en 223 m bo die rivierbedding wees en ‘n sentrale oorspanning van 260 m hê.
SANRAL het die kontrak vir die konstruksie in Augustus 2017 aan die firmas Aveng en Strabag toegken met ‘n beoogde boutyd van 40 maande.
Betogings deur die omringende gemeenskap het die bouwerk tot stilstand gedwing.
Lees ook
wysigBibliografie
wysig- businesstech.co.za
- SANRAL N2 Wildcoast Toll Road
 | Hierdie vervoerartikel is 'n saadjie. Jy kan Wikipedia help deur dit uit te brei. |