Maak hoofkeuseskerm oop
'n Muurbalspel tussen twee spelers.
'n Muurbalbaan met glaswande, sodat toeskouers die spel kan dophou.

Muurbal is 'n raketsport wat deur twee deelnemers in 'n geslote ruimte gespeel word. Tydens die spel word 'n klein rubberballetjie met 'n raket teen die voorste muur geslaan. Die doel is om die teenstander te klop deur die bal te slaan en twee keer te laat bons voordat die opponent daarby kan uitkom, of om die opponent te dwing om die bal buite spel te slaan.

Muurbal is 'n binnenshuise spel wat 2 spelers met 'n klein rubberbal en rakette speel. Die doel is om die bal op so 'n wyse teen die mure van ʼn vertrek te slaan dat die teenstander dit of nie kan bereik voordat dit 2 keer op die vloer gewip het nie, of dat hy 'n mislukte hou slaan. Net die afslaner kan punte aanteken, en as hy 'n fout maak, verloor hy die reg om die bal af te slaan en sy teenstander (wat dan die afslaner is), kry dan die geleentheid om punte in te samel.

'n Wedstryd word gewoonlik oor 5 stelle beslis, en die speler wat eerste 9 punte behaal, wen 'n stel. Muurbal het sy oorsprong in Engeland, maar Suid-Afrika was een van die eerste lande waar die sportsoort op 'n georganiseerde grondslag beoefen is.

Inhoud

GeskiedenisWysig

Muurbal het in omstreeks 1820 by die Engelse skool Harrow ontstaan uit 'n soortgelyke spel, "rackets ", wat destyds in Engeland gewild was. Rackets is ook op 'n ommuurde baan gespeel, maar met 'n harde bal. Harrow se koshuisgeboue het ingeslote binneruimtes gevorm en die seuns wat die spel gespeel het, het daar geoefen, maar met 'n sagte bal.

Die spel met die sagte bal het so gewild geword dat daar in omstreeks 1866 spesiale bane daarvoor gebou is. Hoewel daar destyds in Engeland volgens vasgestelde reëls gespeel is, is muurbal daar nie op ʼn georganiseerde grondslag beoefen nie en is die eerste muurbalvereniging in 1907 in die VSA gestig. Amerikaanse muurbal word egter volgens ander reëls gespeel as die spel in Suid-Afrika.

Britse offisiere het muurbal na die Anglo-Boereoorlog in Suid-Afrika bekend gestel en die eerste openbare baan is reeds in 1906 in Johannesburg gebou. In 1910 het die eerste nasionale kampioenskapsbyeenkoms daar plaasgevind. Suid-Afrika was ook 'n stigterslid van die Internasionale Muurbalvereniging in 1967 en het aanvanklik aan die wêreldkampioenskappe deelgeneem.

In 1971 het die Springbokspan hom aan die kampioenskapsbyeenkoms onttrek nadat Indië en Pakistan gedreig het om die byeenkoms om politieke redes te boikot. Oorsese spelers ding gereeld op individuele grondslag teen Suid-Afrikaners mee en die spel is in Suid-Afrika ook baie gewild as ontspanningsport.

Die spelWysig

Muurbal word gespeel in ʼn vertrek met wit mure wat 9,75 m lank, 6,4 m breed en 4,57 m hoog is. Die bal mag teen al 4 mure geslaan word binne 'n gebied wat met rooi lyne afgebaken is. Die vloer is van hardehoutplank. Die agterste 4,26 m van die baanoppervlak word deur ʼn afslaanstreep en 'n loodregte lyn in 2 gedeel.

Binne elk van hierdie "kwarte" is 'n afslaanhok afgemerk. Spelers is gewoonlik in wit geklee en gebruik 'n snaarraket en 'n klein, ronde rubberbal. Muurbal is 'n wedstryd tussen 2 spelers. Die spel begin met ʼn afslaanhou deur die speler wat die loot gewen het. Die hou moet om die beurt vanuit die regter- en die linkerafslaanhok geslaan word en die bal moet bokant die rooi afslaanstreep die muur direk tref, sodat dit daarna in die agterste kwart van die teenstander se deel van die baan grondvat.

Daarna voer die spelers om die beurt houe uit. Die bal kan verskeie kere teen verskillende mure spring maar mag die vloer net een keer raak voordat die ontvanger dit terugslaan. ʼn Speler wat die bal teen enige muur bokant die grensstreep slaan of teen die voorste muur onderkant die speelgebied (teen die foutplaat), staan 'n punt of die afslaan af. Net die speler wat afslaan, kan punte aanteken. As die afslaner 'n fout begaan, verloor hy die reg om die volgende bal af te slaan. 'n Wedstryd word oor 5 stelle beslis.

Die speler wat eerste 9 punte het, wen die stel. Wanneer die telling 8- 8 is, kan die afslaner kies of die volgende punt die stel moet beslis en of die stel eers eindig wanneer een speler 'n voorsprong van 2 punte het.

ToerustingWysig

 
Raket met bal.

Die balWysig

Die bal word van rubber gemaak. Dit is hol binne en bons hoër as dit eers warm is. Balle word met verskillende kleure kolletjies gemerk. Balle met geel kolletjies is stadig. Balle met groen of wit is gemiddeld vinnig. Balle met rooi kolletjies is baie vinnig.[1]

Die raketWysig

Die raket is soortgelyk aan 'n tennisraket, maar is ligter en kleiner. Die spesifikasies het oor die jare verander, en rakette is besig om groter te raak.

BronneWysig

VerwysingsWysig

  1. Squash Balls”. www.squashplayer.co.uk. URL besoek op 2011-02-06.

Eksterne skakelsWysig