My broer se bril
My Broer se Bril is 'n Afrikaanse rolprent wat in 1972 deur Bevil Films uitgereik is met Cobus Rossouw en Marié du Toit in die hoofrolle. Dirk de Villiers was die regisseur en skrywer daarvan. Dit word beskou as die eerste Afrikaanse riller.
| My Broer se Bril | |
|---|---|
| Regisseur | Dirk de Villiers |
| Produksieleier | Manie van Rensburg |
| Draaiboek | Dirk de Villiers |
| Met | Cobus Rossouw, Marié du Toit, Pieter Fourie e.a. |
| Verspreider | Bevil Films |
| Uitgereik | 1972 |
| Speeltyd | 96 minute |
| Land | Suid-Afrika |
| Taal | Afrikaans |
| IMDb-profiel | |
Genre
wysigDie rolprent is ’n riller/misdaaddrama.
Akteurs
wysigDie akteurs is onder andere Cobus Rossouw, Marié du Toit, Pieter Fourie, Louw Verwey en Dawid van der Walt.
Storielyn
wysigDie prent begin met ’n begrafnis en eindig met ’n skokkende ontknoping by die lees van ’n testament. Twintig jaar tevore het tweelingbroers, Adriaan en Paul van der Bijl, se paaie geskei ná ’n argument wat Adriaan blind gelaat het. Adriaan is verbitterd en bly in sy pa, wat diabetes het, se huis. Hy trou met sy pa se mooi verpleegster, Marie. Op die dag van sy pa se begrafnis keer Paul terug. Die twee broers se hereniging is nie vriendelik nie. ’n Skoot klap en die een lê dood. Adriaan vertel vir sy dienskneg, Freddie, dat hy Paul uit selfverdediging geskiet het. Net toe klop ’n speurder aan die deur. Marie tree intussen ook al hoe meer verdag op.