Messier 78
Messier 78 of M78 (ook bekend as NGC 2068) is ’n refleksienewel in die sterrebeeld Jagter. Dit is in 1780 deur Pierre Méchain ontdek en Charles Messier het dit in dieselfde jaar in sy katalogus van komeetagtige voorwerpe opgeneem.
| Messier 78 | ||||
| ||||
| Soort newel | Refleksienewel | |||
| Sterrebeeld | Jagter | |||
| Waarnemingsdata (Epog J2000) | ||||
| Regte klimming | 05h 46,7m | |||
| Deklinasie | +00º 03' | |||
| Skynmagnitude (m) | 8,3 | |||
| Besonderhede | ||||
| Afstand (ligjaar) | 1 600 | |||
| Skynbare grootte | 8 × 6 boogminute | |||
| Ander name | ||||
| M78, NGC 2068, Ced55u | ||||
| ||||
M78 is die helderste diffuse newel van ’n groep newels wat NGC 2064, NGC 2067 en NGC 2071 insluit. Die groep behoort tot die Orion-kompleks en is sowat 1 600 ligjare van die Aarde af. Dit kan maklik met ’n klein teleskoop gevind word as ’n mistige kol en het twee sterre met ’n skynbare helderheid van 10 mag. Die twee sterre, HD 38563A en HD 38563B, is verantwoordelik daarvoor dat die stofwolk in M78 sigbaar is danksy die lig wat hulle reflekteer.
Die newel bevat sowat 45 veranderlike sterre van die tipe T Tauri – jong sterre wat steeds besig is om te vorm.
Verwysings
wysigEksterne skakels
wysig- SEDS: Messier 78
- M78: Stardust and Starlight
- NightSkyInfo.com
- Messier 78 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Messier 78.
Hierdie artikel is vertaal uit die Engelse Wikipedia
