NG gemeente Vanderbijlpark-Oos

Die NG gemeente Vanderbijlpark-Oos is 'n gemeente van die Nederduitse Gereformeerde Kerk in die Sinode Goudland (voorheen Wes-Transvaal).

Ds. J.M.C. Horn, van 1958 tot 1960 die eerste leraar. Hy het hierheen oorgekom van Vanderbijlpark-Noord af, wat dus na alle waarskynlik die moedergemeente is.

Die gemeente is gestig in 1958, die vierde gemeente op Vanderbijlpark sedert die stigting van die moedergemeente in 1949. Die kerkgebou is geleë op die hoek van Livingstone en Playfair Boulevard, Vanderbijlpark. In 2013 was die leraar ds. J.F.P. Nagel. Daar was in daardie jaar 425 doop- en 1 378 belydende lidmate.

Bronne

• Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.

Enkele leraars

• Jan Mattheüs Christiaan Horn, 1958 – 1960
• Luther Delport, 2 Mei 1975 - ?
• Johannes Frederick Pieter Nagel, 27 Junie 1987 - hede

Eksterne skakels

• Die gemeente se kerkgebou soos te sien op Google Maps.