Suid-Afrikaanse Amazwi-letterkundemuseum

Suid-Afrikaanse Amazwi-letterkundemuseum
Vorige naam National English Literary Musuem
Ander name NELM
Plek Makhanda
Land Vlag van Suid-Afrika Suid-Afrika
Tipe museum Letterkundemuseum
Webtuiste [1]

Die Suid-Afrikaanse Amazwi-letterkundemuseum, beter bekend onder die Engelse naam, Amazwi South African Museum of Literature, en vroeër bekend as die National English Literary Museum (NELM),[1] is 'n museum gemik op die berging van argiefmateriaal oor Suid-Afrika se letterkunde-erfenis. Die museum is geleë in Makhanda (vroeër Grahamstad) in die Oos-Kaap.

Die Minister van Kultuur, Nathi Mthethwa, het die naam van die museum in Mei 2019 amptelik verander na die "Amazwi South African Museum of Literature" nadat die museum se mandaat aangepas is om die promosie en bewaring van alle belangrike Suid-Afrikaanse letterkundewerke in alle inheemse tale in te sluit, waar dit vroeër net op Engelse letterkunde gefokus was.[1][2]

Oorsprong wysig

Die museum is in 1972 gestig deur professor Guy Butler, die digter en destydse hoof van Rhodes-universiteit se Engelsdepartement. Die doel van die museum was om Suid-Afrikaanse skrywers se manuskripte te berg en bewaar. Dit is uit die oorspronklike versameling werke dat die NELM gegroei het en later bestaansreg gekry het deur wetgewing in 1980 waarmee dit verklaar is tot 'n kulturele instelling.[3]

Satellietinstellings wysig

Daar is twee Amazwi-satellietinstellings:

  • Schreinerhuis in Cradock. Die museum, oorspronklik die huis waar die Suid-Afrikaanse letterkundige ikoon Olive Schreiner gewoon het, is in 1986 geopen en huisves haar versameling werke.
  • Die Eastern Star Gallery Printing and Press-museum in Makhanda, wat die voorloper van The Star uitgegee het.
 
Die Eastern Star-galery

Verwysings wysig

  1. 1,0 1,1 "Press release: NELM rebrands as AMAZWI South African Museum of Literature". LitNet. 13 Mei 2019. Besoek op 10 Junie 2019.
  2. "Name Change". NELM (in Engels (VSA)). Geargiveer vanaf die oorspronklike op 25 Mei 2019. Besoek op 10 Junie 2019.
  3. Cultural Institutions Act Geargiveer 25 September 2020 op Wayback Machine (Act 119 of 1998).