Natriummolibdaat

Natriummolibdaat is 'n sout van natrium en molibdeensuur met die formule Na₂MoO₄.

**Eienskappe**
Algemeen
Naam	Natriummolibdaat
Struktuurformule van
Chemiese formule	Na₂MoO₄
Molêre massa	205,93 [g/mol]^[1]
CAS-nommer	7631-95-0^[1]
Voorkoms	kleurlose of wit vastestof^[1]
Fasegedrag
Fase	α-Na₂MoO₄ k.t. - 485 °C
Selkonstantes	910,822(6)pm^[2]
Ruimtegroep	Fd3m
Nommer	227
Strukturbericht	H1₁
Fase	β-Na₂MoO₄ 485-600 °C
Selkonstantes	a=1089,2pm; b= 1732,2pm; c= 717,6pm?
Ruimtegroep	P2₁n?^[2]
Fase	γ-Na₂MoO₄ 600-650 °C
Selkonstantes	a=644,95(7)pm; b=1277,4(1)pm; c=1082,6(1)pm ^[2]
Ruimtegroep	Fddd
Nommer	70
Strukturbericht	H1₇
Fase	δ-Na₂MoO₄ >650 °C
Selkonstantes	a=588,99(8)pm; c= 747,5(1)pm^[2]
Ruimtegroep	P6₃/mmc
Smeltpunt	687 °C^[1]
Kookpunt
Digtheid	3,78 [g/cm³]^[1]
Oplosbaarheid	840 [g/L] @100 °C^[1]
Suur-basis eienskappe
pKa
Veiligheid
Flitspunt
LD₅₀	250 [mg/kg] (oraal; rot)^[1]
Tensy anders vermeld is alle data vir standaardtemperatuur en -druk toestande.

Portaal Chemie

Daar is ander fases as hierdie 1:1-fase in die Na₂O-MoO₃-stelsel wat ook natriummolibdate genoem kan word: Na₂Mo₃O₁₀ (1:3), Na₂Mo₄O₁₆ (1:5) en Na₆Mo₁₁O₃₆ (3:11)^[2]

Die stof word ook dikwels verhandel as sy dihidraat Na₂MoO₄·2H₂O.

Kristalstrukture

By kamertemperatuur kristalliseer natriummolibdaat in die kubiese spinel-struktuur, H1₁ in die strukturbericht-klassifikasie. Hierdie fase word die α-fase genoem. Die Mo-atome beset tetraëder-holtes en die natriumatome oktaëder-holtes in 'n suurstofrooster met kubiese digpakking.^[2]

Teen hoër temperature gaan dit oor in 'n β, γ en δ-fase. Die struktuur van β-Na₂MoO₄ is nie goed bekend nie. Dit is moontlik monoklinies en verwant aan die ortorombiese γ-fase. Die γ-fase het die ortorombiese thénardiet-struktuur van natriumsulfaat Na₂SO₄-V (H1₇). In hierdie struktuur is die molibdeenatome steeds in tetraëders, maar die natriumatome is anders verdeel.^[2]

Die δ-fase het groter wanorde van die MoO₄-tetraëders. Hierdie struktuur is ook isostruktureel met 'n natriumsulfaat-struktuur: die hoëtemperatuur (I)-fase. In teenstelling tot natriumsulfaat word geen (II) en (III)-fases aangetref nie.^[2]

Die Na₆Mo₁₁O₃₆ (3:11)-molibdaat het 'n trikliniese struktuur wat aan die anataas-struktuur verwant is.^[2]

Struktuur van die dihidraat

Die dihidraat Na₂MoO₄·2H₂O is ortorombies, met ruimtegroep Pbca (#61), selkonstantes a=846,3(3)pm, b=1055,2(3)pm, en c=1382,7(6)pm; Z=8. Die kristalle bestaan uit afwisselende lae MoO₄²⁻-tetraëders en watermolekules. Die lae is deur natriumkatione en waterstofbindings met mekaar verbind. Die MoO₄²⁻tetraëder is effens verleng in die rigting van die waterstofbindings.^[3]

Chemiese eienskappe

Natriummolibdaat kan verkry word deur molibdeen(VI)oksied in natriumhidroksied op te los teen 50-70 °C en die oplossing te filtreer. Die hidraat wat hieruit kistalliseer vorm die watervrye molibdaat deur dit teen 100 °C te verhit.^[4]

Gebruike

Dit word gebruik om pigmente mee te maak en as 'n korrosie-inhibeerder, badbymiddel vir afwerking van metale en 'n reagens vir alkaloïede en mikrovoedingstowwe.^[1]

Natriummolibdaat word in 'n oplossing van swaelsuur as reagens gebruik in die toetsreaksie van Froehde op morfien. Hierdie reaksie behels waarskynlik die vorming van 'n organiese molibdaatester.^[5]

Verwysings

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 "Sodium molybdate". PubChem.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Bramnik, K.G.; Ehrenberg, H. (2004). "Study of the Na2O—MoO3 System. Na6Mo11O36 — a New Oxide with Anatase-related Structure, and the Crystal Structures of Na2MoO4". Z. anorg. allg. Chem. 630: 1336–1341. doi:10.1002/zaac.200400119.{{cite journal}}: AS1-onderhoud: gebruik authors-parameter (link)
↑ Kazuko Matsumoto, Akiko Kobayashi, Yukiyoshi Sasaki (1975). "The Crystal Structure of Sodium Molybdate Dihydrate, Na2MoO4·2H2O". Bulletin of the Chemical Society of Japan. 48 (3): 1009–1013. doi:10.1246/bcsj.48.1009.{{cite journal}}: AS1-onderhoud: gebruik authors-parameter (link)
↑ "Sodium molybdate". Ataman Kimya.
↑ Francisco Sánchez-Viesca, Gómez Reina (2022). "Insight into the mechanism of the Froehde test for morphine". Magna Scientia Advanced Research and Reviews. 06 (02): 001–004. doi:10.30574/msarr.2022.6.2.0071.{{cite journal}}: AS1-onderhoud: gebruik authors-parameter (link)

[PC-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 "Sodium molybdate". PubChem.

[Bramnik-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Bramnik, K.G.; Ehrenberg, H. (2004). "Study of the Na2O—MoO3 System. Na6Mo11O36 — a New Oxide with Anatase-related Structure, and the Crystal Structures of Na2MoO4". Z. anorg. allg. Chem. 630: 1336–1341. doi:10.1002/zaac.200400119.{{cite journal}}: AS1-onderhoud: gebruik authors-parameter (link)

[3] Kazuko Matsumoto, Akiko Kobayashi, Yukiyoshi Sasaki (1975). "The Crystal Structure of Sodium Molybdate Dihydrate, Na2MoO4·2H2O". Bulletin of the Chemical Society of Japan. 48 (3): 1009–1013. doi:10.1246/bcsj.48.1009.{{cite journal}}: AS1-onderhoud: gebruik authors-parameter (link)

[4] "Sodium molybdate". Ataman Kimya.

[5] Francisco Sánchez-Viesca, Gómez Reina (2022). "Insight into the mechanism of the Froehde test for morphine". Magna Scientia Advanced Research and Reviews. 06 (02): 001–004. doi:10.30574/msarr.2022.6.2.0071.{{cite journal}}: AS1-onderhoud: gebruik authors-parameter (link)

[1]

[2]

[3]

[4]

[5]