Neil Oliver

Neil Oliver (* 21 Februarie 1967 in Ayr, Skotland) is 'n Britse televisie-aanbieder, argeoloog, omgewingsbewaarder en skrywer.

Neil Oliver in 2006 in Windsor Quay, Cardiff. Sy Skotse aksent en lang hare het 'n persoonlike handelsmerk geword

In 1988 het Oliver 'n graad in argeologie aan die University van Glasgow behaal. Nogtans het hy sy loopbaan as joernalis begin en was vir 'n verskeidenheid Skotse en Engelse dagblaaie werksaam, waaronder The Scotsman, The Herald, The Guardian, The Edinburgh Evening News, The Evening Times, The Sun en The Daily Record, waar hy algemene nuusartikels bygedra, maar ook op argeologiese onderwerpe gefokus het. Ná sy televisie-debuut in 2002 het hy bekendheid verwerf met 'n verskeidenheid dokumentêre reekse oor geskiedenis en argeologie wat deur die BBC vervaardig is, waaronder A History of Scotland, Vikings en Coast. In 2017 is hy as president van die National Trust for Scotland benoem, die grootste lidmaatskap-organisasie in Skotland met meer as 380 000 lede.

Neil Oliver woon met sy vrou Trudi en drie kinders in Stirling, Skotland.