Ngalop
Die Ngalop (Dzongkha: སྔལོངཔ་, Wylie: snga long pa; volgens volksetimologie "eerste opgekome volk" of "eerste bekeerde volk")[1] is ’n volk van Tibetttaanse herkoms wat reeds in die 9de eeu na Bhoetan migreer het. Orientaliste het voorheen die naam "Bhote" of "Bhotiya" gebruik, wat beteken "mense van Bod (Tibet)", ’n term wat ook na die Tibettane kan verwys. Dit lei tot verwarring en dié term word deesdae selde gebruik om na die Ngalop te verwys.
| Ngalop | |
|---|---|
| Totale bevolking: | 708 500 |
| Belangrike bevolkings in: |  Bhoetan (westelike, noordelike en dele van die suidoostelike en suidelike streke) |
| Taal: | Dzongkha |
| Geloofsoortuiging: | Boeddhisme |
| Verwante etniese groepe: | Tibettane en ander Sino-Tibetaanssprekende volke |
Die Ngalop het die Tibettaanse kultuur en Boeddhisme na die land gebring en is die oorheersende politieke en kulturele element in die moderne Bhoetan. Verder is kulturele, etniese en taalidentiteit in die land nie altyd wedersyds eksklusief nie. Om dié rede word dikwels na die Ngalops verwys as Bhoetanese. Hul taal, Dzongkha, is die amptelike taal en kom van Oudtibettaans.
Die Ngalop oorheers die westelike en noordelike dele van die land, insluitende Thimphu en die Dzongkhasprekende streek. Die term kan verskeie verwante taal- en kultuurgroepe insluit, soos die Kheng en die sprekers van Bumthang.[1][2][3]
Verwysings
wysig- ↑ 1,0 1,1 van Driem, George L. (1993). "Language Policy in Bhutan". Londen: SOAS. Geargiveer vanaf die oorspronklike (PDF) op 1 November 2010. Besoek op 18 Januarie 2011.
- ↑ Robert L. Worden (September 1991) Bhutan: Ethnic Groups, Andrea Matles Savada. (red.)
- ↑ Robert L. Worden (September 1991) Bhutan: Introduction, Andrea Matles Savada. (red.)
Eksterne skakels
wysig
Hierdie artikel is vertaal uit die Engelse Wikipedia
