Nomkhubulwana

In die Zoeloe-mitologie is Nomkhubulwana (ook bekend as Unokubulwana en Inkosazana) die prinses van die hemel. Sy is die godin van die vrugbaarheid wat reën bring op die regte tyd. Alhoewel sy in ‘n hut in die reënboog woon, verskyn sy op aarde in die vroeë lente in die miswolke wat oor die valleie van Zoeloeland hang. Sy maak die oeste oorvloedig, en beskerm die graanoes. Op hierdie tyd van die jaar versier die meisies van die stamme hulself met rokke van gras en blomme, pas 'n dag lank die beeste op en hou ‘n fees ter ere van Nomkhubulwana waartydens onder andere twee wit bokke geslag word. Al die tradisies het te doen met die landbou en die koms van die nuwe seisoen.

Lees ook

• Unkulunkulu
• Tradisionele Afrika-godsdiens
• Zoeloe tradisionele godsdiens

Bibliografie

• Bruwer, J.P. v. S.: Die Bantoe van Suid-Afrika. Johannesburg: Afrikaanse Pers-Boekhandel, 1963.
• Standard Encyclopaedia of Southern Africa, deel 2. Kaapstad: Nasou, 1970.