Nongqai
Die Nongqai was ‘n tydskrif vir die Suid-Afrikaanse weermag en polisie.
Die blad het bestaan van 1903 tot 1961 en is versprei onder soldate, polisiemanne en gevangenispersoneel in Suid-Afrika en die destydse Suidwes-Afrika, Suid-Rhodesië, Noord-Rhodesië en Duits-Oos-Afrika. Die titel vir die blad dateer uit 1907 toe dit reeds verskyn het vir die koloniale Natalse Berede Polisie en daaorm is die tydskrif een van die vroegste in Suid-Afrika.
Nuusberigte en artikels in die Nongqai was in Afrikaans en Engels. John Jackson, die bekend spotprenttekenaar van The Cape Argus, het gereeld tekeninge aan die blad voorsien.
Nongqai is ‘n Zoeloewoord met die betekenis van “die koning se wagte wat altyd van plek tot plek aan die beweeg is”.
Nongqai is opgevolg deur die tydskrifte Paratus, Justitia en Servamus.
Lees ook wysig
Bibliografie wysig
- samirror.com