North American T-6 Texan

Die North American Aviation T-6 Texan is 'n enkelmotorige gevorderde opleidingsvliegtuig van die Tweede Wêreldoorlog-era. Dit is gebruik om vlieëniers van die United States Army Air Forces (USAAF), Amerikaanse Vloot, Royal Air Force en ander lugmagte van die Britse Statebond gedurende die Tweede Wêreldoorlog tot selfs in die 1970's op te lei.

T-6 Texan Harvard
USAAF AT-6Cs naby Luke vliegveld, 1943
Tipe	Gevorderde opleidingsvliegtuig
Vervaardiger	North American Aviation
Nooiensvlug	1 April 1935
Status	Onttrek aan militêre diens
Hoofgebruikers	United States Army Air Forces Amerikaanse Vloot Royal Air Force Suid-Afrikaanse Lugmag
Aantal gebou	15,495
Ontwikkel van	North American NA-16
Weergawes	North American A-27

As 'n ontwerp van North American Aviation, is die T-6 onder 'n hele paar verskillende benamings bekend, afhangende van die model en die funksie in 'n lugmag. Die United States Army Air Corps en USAAF verwys na dit as die AT-6, die Amerikaanse Vloot as die SNJ, en die Britse Statebond se lugmagte (ook in Suid-Afrika) as die Harvard, die naam waaronder dit die beste bekend is buite die VSA. Na 1962 het die Amerikaanse magte dit aangewys as die T-6.

Dit is 'n gewilde versamelaarsvliegtuig wat gebruik word vir lugdemonstrasies en statiese uitstallings. Dit is ook vele keer gebruik om die Japannese Mitsubishi A6M Zero na te boots in films wat die Tweede Wêreldoorlog in die Stille Oseaan uitbeeld.

Galery

• 
  'n Oorspronklike T-6 Texan vliegtuig (geverf in VS Vlootkleure), regs, met die nuwer T-6 Texan II, links, by die Randolph Lugmagbasis in Texas, 2007
• 
  'n Suid-Afrikaanse Lugmag Harvard ontbloot tydens restorasiewerk
• 
  Student (L, sit voor) en instrukteur (R, sit agter) se kajuite

Hierdie artikel is in sy geheel of gedeeltelik vanuit die Engelse Wikipedia vertaal.