Ntentule-waterval

Die Ntentule-waterval aan die Wildekus is op een na die hoogste waterval in Suid-Afrika.

Hierdie waterval is 20km oos van Lusikisiki in die Matekurivier in Pondoland en lê by 31°17′43″S 29°47′37″O / 31.29528°S 29.79361°O / -31.29528; 29.79361. Dit is sigbaar van die Msikabrug, ‘n brug wat in aanbou is om deel te vorm van die beplande Wildekus-roete van die N2-pad.

Die val is 175,4 m hoog en weens die hoë plaaslike reënval is dit dwarsdeur die jaar duidelik te sien.

Daar is ‘n twintigtal watervalle in die kusgebied van Pondoland, waarvan sommige baie moeilik bereikbaar is. Onder die bekendste watervalle is:

Perspektief

As gepraat word van ‘n groot waterval, moet duidelik gemaak word of van hoogte, breedte of hoeveelheid water wat oor die val spoel, gepraat word.

a. Die Angel-val in Venezuela is met sy val van 979 m die wêreld se hoogste waterval.
b. Die Tugelawaterval is die hoogste waterval in Afrika en na die Angel-val die hoogste in die wêreld. Dit het ‘n val van 948 m.
c. Die Matarazi-waterval in Zimbabwe is 772 m hoog en na die Tugela-val die hoogste in Afrika en op 16 na die hoogste in die wêreld.
d. Die Victoria-waterval is 1 078 m breed. Dit is die wêreld se breedste waterval.
e. Die Boyomo-stroomversnellings (ook bekend as die Stanley-watervalle en die Wagenia-watervalle) en die Livingstone-stroomversnellings by die Malebo-poel, beide in die Kongorivier, verplaas die grootste volume water van alle watervalle in die wêreld.