Oedjidji
Oedjidji is die oudste dorp in wes-Tanzanië, en is omtrent 10 km (6 myl) suid van Kigoma geleë. In 1900, is die bevolking op 10 000 geraam en in 1967 op omtrent 4 100. In die breëre Kigoma-Oedjidji stadsgebied was die streeksbevolking in 1978 in die orde van 50 000.[1]
Oedjidji | |
|---|---|
.png) Henry Morton Stanley ontmoet David Livingstone in Oedjidji, 1871 | |
  Oedjidji | |
| Koördinate: 4°54′0″S 29°41′0″O / 4.90000°S 29.68333°O | |
| Land |  Tanzanië |
| Region | Kigoma |
| Tydsone | UTC+3 (Oos-Afrika Tyd) |
| • Somertyd | UTC+3 |
Oedjidji is die plek waar Richard Burton en John Speke vir die eerste keer die strand van die Tanganjika-meer bereik het in 1858. Dit is ook die ligging van die beroemde ontmoeting op 28 Oktober 1871 toe Henry Stanley vir Dr. David Livingstone hier gevind het, en na bewering die beroemde woorde geuiter het: "Dr. Livingstone, neem ek aan?" Livingstone is deur vele as gestorwe beskou aangesien geen tyding oor verskeie jare van hom verneem is nie.
Livingstone, wat slegs die vorige dag na Oedjidji teruggekeer het, het geskryf: Toe my gemoed op die laagste punt was, was die goeie Samaritaan ophande, want een oggend kom [my bediende] Soesi ingehardloop so vinnig hy kon en juig uit, "'n Engelsman! Ek sien hom!" en hy val in die pad om hom tegemoet te gaan. Die Amerikaanse vlag aan die karavaan se geleide het die vreemdeling se nasionaliteit verklaar. Bale goedere, blikbaddens, reuseketels, kookpotte, tente, ens., het my laat dink, "Dit moet 'n luukse reisiger wees, en nie 'n radelose een soos ek nie."[2]
'n Monument bekend as die "Dr. Livingstone-gedenkteken" is in Oedjidji opgerig om hierdie ontmoeting te herdenk. Daar is ook 'n eenvoudige museum. Naby die mark is ook 'n voormalige slaweroete. In 1878 het die Londense Sendinggenootskap hul eerste sendingpos op die strand van die Tanganjika-meer te Oedjidji opgerig.
Sommige in Burundi beweer dat die ligging van die beroemde ontmoeting 'n paar myl suid van die hoofstad Bujumbura geleë is. Die Livingstone-Stanley-denkmaal in Moegere dui egter 'n besoek aan wat die twee mans 15 dae later gebring het op hulle gesamentlike verkenning van die noorde van die Tanganjikameer.
Notas
wysig- ↑ "Tanzaniese bevolkingstatistieke". Geargiveer vanaf die oorspronklike op 3 Maart 2016. Besoek op 10 November 2010.
- ↑ David Livingston, The Last Journals of David Livingston, R. W. Bliss & Company, Hartford CT, 1875. p. 317