Orjol-gevangenis

Die Orjol-gevangenis (Russies: Орло́вский центра́л, Orlofski tsentral), is sedert die 19de eeu 'n tronk in Orjol, Rusland. In die Tweede Wêreldoorlog is dit gebruik vir die aanhouding van politieke en krygsgevangenes.

Orjol-gevangenis
Orel Tsentral-Prison in old.jpg
Ligging
Stad/dorp  Orjol
Land Vlag van Rusland Rusland
Geskiedenis
Geopen 1840
Inligting
Bestuur deur  Rusland

Die tronk, wat in 1840 gebou is, is een van die oudste geboue in Orjol.

GeskiedenisWysig

Die Orjol-gevangenis het in 1941 sowat 5 000 politieke gevangenes gehuisves. Op 11 September 1941, net weke voordat Duitse soldate Orjol tydens die Tweede Wêreldoorlog beset het, het Josef Stalin gelas dat 157 politieke gevangenes van die tronk net buite Orjol tereggestel word in die slagting in die Medwedef-woud. Tydens die besetting deur Nazi-Duitsland (van Oktober 1941 tot Junie 1943) is die tronk in 'n Nazi-konsentrasiekamp omskep.

Ná die oorlog het die Sowjetunie dit gebruik as konsentrasiekamp vir krygsgevangenes van onder meer Duitsland, Hongarye en Roemenië. Van hulle is tereggestel deur uithongering, ontbloting en vergiftiging; ander is doodgeskiet. 'n Voormalige gevangene, Helena Latkovska Wojtuskiewicz, beskryf die toneel met Paasfees in 1951 as 'n "ware hel: Die kamer was vol mense, halfnaakte vroue het weggekwyn en ons, die nuwe aankomelinge, het rondgesit op vuil strooi, waarvandaan stink stof opgestyg het wat 'n mens laat verstik het. Ons was so hees, ons kan nie asemhaal of praat nie."[1]

Tans is daar in die tronkgeboue 'n ondersoekafsonderingsaal van die strafgevangenisdiens van die Russiese departement van justisie en 'n tronkhospitaal vir gevangenes met tuberkulose.

Een van die tronk se bekende gevangenes was Feliks Dzerzjinski (1915-'16).

VerwysingsWysig

  1. Helena Latkovska Wojtuskiewicz, I Lived Through Hell on Earth: Sixteen Years in Siberia (Baltimore, Maryland: Gateway Press, 1998), p. 123.

BibliografieWysig

  • (ru) Гернет, М. Н., История царской тюрьмы, 3 изд., т. 15, М., 1960-63 г.
  • (ru) Дворянов В. Н., В сибирской дальней стороне (Очерки истории царской каторги и ссылки, 60-е годы XVIII в. — 1917 г.), Минск, 1971 г.
  • (ru) Максимов С. В., Сибирь и каторга, 2 изд., ч. 1-3, СПБ, 1891 г.

SkakelsWysig