Maak hoofkeuseskerm oop

Oscar Chalupsky (1963-) is ’n Suid-Afrikaanse kanovaarder en lewensredder. Hy en sy broer Herman het Springbokkleure in kanovaart en seelewensredding verwerf. Gedurende die 1980’s en vroeë 1990’s het hulle die ysterman- en branderski-kompetisies in Suid-Afrika gedomineer en talle internasionale kompetisies gewen. By die Olimpiese Spele in 1992 in Barcelona was Oscar die kaptein van Suid-Afrika se roeispan (Mans K-4, 1000 meter), waartydens hulle tot die halfeindronde deurgedring het. Hy was al twaalf keer die wêreld se branderski-kampioen, selfs in 2012, toe hy al 49 jaar oud was. Oscar en Herman se pa, Paul Chalupsky, was op sy dag ook kaptein van die Springbokkanospan gewees.[1]

Oscar Chalupsky
Gebore 1 Maart 1963
Nasionaliteit Suid-Afrika
Ouers Paul Chalupsky
Bekend vir Kanovaarder

LewensloopWysig

Oscar Chalupsky is op 1 Maart 1963 gebore en het die Westville Boys Hoërskool in Durban bygewoon. In 1979 word hy die jongste Suid-Afrikaner om sy land in lewensredding te verteenwoordig.[2] In sy laaste skooljaar (1980) verteenwoordig hy Natal tydens die Cravenweekrugby, ontvang hy Suid-Afrikaanse kleure vir waterpolo en lewensredding, en word hy die eerste persoon om beide die mans junior en senior ysterman-titels in te palm.[3]

VerwysingsWysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Surf-ski: Oscar Chalupsky, kayakdemar.org, besoek op 17 Junie 2017
  3. SA Surf Lifesaving Champs 2013 Media Release, gameplanmedia.co.za, besoek op 17 Junie 2017