Oudebaaskraaldam
Die Oudebaaskraaldam is 'n opgaardam in die Tankwarivier in die Wes-Kaap.
Hierdie dam in die Tankwa-Karoo is by nagenoeg 32° 24′ suid, 19° 56′ oos, tussen die paaie genommer P2250 en OP8026. Dit is net wes van die grens met die Noord-Kaap, oos-suidoos van die terrein van die Africa Burn-fees en ten noorde van die plaas De Vloeren wat bekend geword het om die avonture van Dirk Ligter.
Die 21 m-hoë grondwal is in 1969 voltooi en het 'n meer tot gevolg gehad met 'n maksimum volume van 34 miljoen m³. Destyds was dit een van die grootste besproeiingsdamme in privaatbesit in die land. Sedert dit onder beheer van die Tankwa Karoo Nasionale Park gekom het, word dit nie meer vir besproeiing gebruik nie.
Omrede die dam 'n wye verskeidenheid voëls (o.a. flaminke) lok, trek ook voëlkenners gereeld hier saam.
Lees ook
wysigBibliografie
wysig- Slingsby, Peter: Tankwa-Karoo & the Roggeveld Escarpment. Slingsby Maps, 2018. www. slingsbymaps.com