Ovambosperwer
Ovambosperwer (Engels: Ovambo Sparrowhawk) Accipiter ovampenis (156) Lengte: 33–40 cm
| Ovambosperwer | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | Falconiformes (of Accipitriformes, q.v.)
|
| Familie: | |
| Genus: | |
| Spesie: | A. ovampensis
|
| Binomiale naam | |
| Accipiter ovampensis Gurney, 1875
| |
Dié rats voëls is nie algemene besoekers in stadstuine nie, maar raak tog meer volop in dié habitat, waarskynlik weens die meer beboste aard van tuine en 'n oorvloed van prooi. Hulle is skugter, onopvallende voëls en word selde gesien behalwe wanneer hulle vinnig van boom tot boom vlieg, of wanneer ander voëls op hulle toesak.
Algemeen
wysigBeskrywing: Word van die soortgelyke, maar kleiner Gebande sperwer onderskei aan bruin (nie rooi) oë; aan grys (nie rooibruin) strepe aan borskant, en aan wit vertikale vlekke aan stert met swart en grys dwarsstrepe. Washuid en bene is gewoonlik geel, maar kan ook oranje of rooi wees. Skaars swart vorm word van die swart vorm van die Witkruissperwer onderskei aan oranje, nie rooi, washuid en bene en wit, vertikale vlekke aan stert en die afwesigheid van wit webbe in die stert. Wyfie is groter as mannetjie. Jong voël het twee vorms: die rooibruin vorm word van die volwasse Rooiborssperwer onderskei aan sy rooibruin (nie donkergrys) kop, en aan sy ligte wenkbroue. Ligte vorm is baie witter aan die borskant en om die kop. Borskant gestreep. Albei se bo-stert lyk soos volwasse s'n.
Habitat: Hoë bome; vermy woude en woestyn. Aangepas by uitheemse plantasies, verkies populiere. Status: Plaaslik algemeen tot seldsame standvoël. Soortgelyke spesie: Gebande Sperwer. Roep: 'n Sagte 'keeeep-keeeep-keeeep' in broeityd. Dieet: Feitlik net klein voëltjies, waaronder wewers, koekoeke, duiwe en vlieëvangers, maar gewoontlik niks groter as die grootringduif nie.
Broeigewoontes
wysigPlek: Nes word gewoontlik 26m bo die grond in hoë bome gebou. Nes: 'n Nesplatform bestaande uit stokkies. Seisoen: September tot November. Getal eiers: 1-5. Word hoofsaaklik deur wyfie bebroei. Broeitydperk: Sowat 35 dae. Kuikenstadium: Sowat 33 dae.
Habitat
wysigHabitat: In sommige dele in die noorde van Suider-Afrika word dié voël algemeen aangetref in groot tuine en kan selfs redelik mak raak. Hulle sit gewoonlik in die middel van die blaredak en vlieg dan vinnig na die volgende sitplek. Hoë bome in die tuin en omliggende gebied sal hulle aanmoedig om gereeld daar besoek af te lê. Kosvereistes: Omvambosperwers eet 'n verskeidenheid klein tuinvoëltjies, maar sal nie sommer groot pluimvee aanval nie. Hulle jag van sittend af, of uit vlug, en duik dikwels van hoë hoogtes op 'n prooi af. Prooi se vere word gepluk voor hul gevreet word. Daar is nie 'n bepaalde manier om dié sperwer na jou tuin te lok nie, maar hy sal gereeld kom kuier as daar genoeg prooi beskikbaar is en geskikte nesmaakbome in die omgewing groei. Nesmaak: Ovambosperwers sal nie sommer in 'n stadstuin broei nie, maar straks op 'n kleinhoewe of plaas. Hoë bome, waaronder uitheemse bloekoms (Eucalyptus-spesies) en vaalpopuliere (Populus canescens) is ideale nesmaakplekke. Dié sperwers bou gewoonlik elke jaar 'n nuwe nes.
Sien ook
wysigVerwysings
wysig- ↑ BirdLife International (2008). Accipiter ovampensis. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 19 Februarie 2009.