Partimage

Partimage is 'n nutsprogram vir Linux/Unix-stelsels om hardeskywe te kloon. Partimage kan partisies as 'n lêer op 'n skyf stoor in verskeie formate. Nutsprogramme soos Partimage is nuttig in baie situasies wat netwerk-administrateurs, asook ander rekenaargebruikers wat hul eie stelsels onderhou, dikwels teëkom.

Partimage
Partimage 0.6.7 op Ubuntu
Skrywer	Francois Dupoux en Franck Ladurelle
Aanvanklike vrystelling	11 September 2001 (2001-09-11)
Nuutste weergawe	0.6.9/ 25 Julie 2010 (2010-07-25)
Bedryfstelsel	Linux, kruisplatform (Live CD)
Kategorie	Web application framework
Lisensie	GNU GPL
Webblad	partimage.org

Algemene gebruike

Sommige algemene gebruike vir Partimage is as volg:

• Rugsteuning van 'n hele hardeskyf of indiwiduele partisies. Die rugsteuning van 'n hele skyf is nuttig vir die herwin van inligting as 'n skyf faal of die data beskadig sou word.
• Grootskaalse ontplooiïng van bedryfstelsels. Organisasies met baie rekenaars waarvan die hardeware met mekaar ooreenstem kan Partimage of soortgelyke nutsprogramme gebruik om die uitrol van bedryfstelsels en sagteware te vergemaklik.

Kenmerke

Vir Windows gebruikers het Partimage ook eksperimentele ondersteuning vir die NTFS-lêerstelsel deur van NTFS-3G gebruik te maak. Partimage ondersteun die meeste Linux-lêerstelsels en kan aangetref word in die meeste Linux-verspreidings, insluitende Debian en die sogenaamde LiveDistros PING, Knoppix en SystemRescueCD.

Ander noemenswaardige kenmerke sluit in datakompressie van skyflêers, ondersteuning vir die rugsteuning/herstel vanaf 'n netwerk lêerbediener en dataversluiering.

Eksterne skakels

• Partimage Homepage Geargiveer 8 Februarie 2017 op Wayback Machine
• Partimage gebruikersposlys